Эндр Хальмгин государственн университетд мергжлт өөдлүлһнә болн специалистнрт немр эрдм өглһнә халхд шин эв-арһ олзлһна төрәр төгрг ширән сүүр болв. Специалистнрт эрк биш мергжлтән өөдлүлх кергтә гиж сүүрин йовудт келгдв.

Хальмг танhчд баһ болн дунд бизнес дөннхин төләд эн жил далн тавн сай дөнцл мөнгн йилһж өггдв. Өдгә цагт мана регионд баһ болн дунд арһлачнрин делгрлтин танһчин шишлнг программ үүлджәнә.

Эндр эдл-ахун министерствд теегин һәрд харслһна туск сүүр болхмн. Мана үүдәгч баг специалист —арнитологла харһад, эн шовуна тускар күүндв.

Элст балһснд өрәл жилдән бачм чинртә медицинск дөн күрглһнә хойр әнг көдлжәнә. Эннь түргн бачм чинртә болн хотл балһсна поликлиникин медлд бачм чинртә дөн күрглһнә церглт.

Давсн долан хонгт танһчин толһач Алексей Орлов Хальмгин правительстин гешүдиг даажасн үүләснь сулдхсн билә. Тер бийнь танһчин министрмүдин кабинет урдк кевәр көдлмшән кежәнә.

Хальмг танһчин футбольн чемпионатын ашар “Динамо” ОВО МВД команд түрүн орм эзләд, алтн медаль шүүж авв. Эн жилин марһанд арвн дөрвн команд орлцв.

Көтчнрә района Көглт селәнд мөрнә урлдан болн спортын байр болв. Иим дөрлдән селәнә эдл-ахун көдләчнрин сән өдрт нерәдгдв.

Хальмгин прокуратур йирн жилин өөнән байрин бәәдлд темдглв. Эн халхин көдләчнрин ик зунь цуг арһ-чидлән агсж көдлв.Ветеранмудын хоршасн байн дамшлтыг өдгә цагт баһ наста прокурормуд олзлж көдлжәнә.

Һурвн ик программ күцәхин төлә мана танһчд нег жува арслнг йилһж өггдхмн.

Эндр лицейин сән өдрт нерәдгдсн байрин керг-үүлдврмүд Әрәсәд болжана Энүнә программар лицеистнрин ханьд сурһульчнриг орулж авлһна байр Элстин классическ лицейд болв.

Эндр Хальмгин толһач Алексей Орлов правительствин цуг гешүдиг даажасн үүләснь сулдхв. Хальмгин толһачин тоолврар эндр өдр правительствиг шинрүләд, эднә ормд талдан министрмудиг орулх кергтә.

Хальмгин олн-әмтнә хуралын депутатнр райодт одад хамцу сүүр кеһәд, хурц төрмүдиг дор ормднь хаһлжана. Иим хург Сарпинск района Садовое селәнд болв.

Эндр Хальмг танһчин баһчудын түрүн баг цергт мордв. Әрәсән Әәрмин ханьд һучн көвүд орхмн. Иргч салдснриг байрин бәәдлд хол хаалһднь үдшәв.

Коррупцла ноолда келһнә төрәр үүлджәх Хальмг танһчин комиссин дарани сүүр эндр болв. Энүг танһчин толһач Алексей Орлов һардв. Сүүрин йовудт комиссин гешүд хәләгдсн төрмүдән ухан-тоолврарн хувалцв.

Элст балһснд грипп гемәс гетлүлһнә төлә кедг түрүн эм ирв.