Күч-көлснд болн харслһнд белн бәәнәвидн. Иим нерәдлһтә хойр минһн арвн дөрвдгч жилд Сочи балһснд болх Олимпийск наадн нерәдгдсн марһан багшнрин дунд Элст балһсна лицейд болв.

Хальмг танһчд хаврин кемд заһс бәрлһнә көдлмш эклв. Көк тенгст өмн үзгәс ар үзгүр түрсән хайхар заһсн иржәнә. Заһс бәрлһнә кемд жил болһн браконьермуд тенгтс һарч, зөв угаһар заһс бәрнә.

Элст балһснд болжах боксин марһанд арвн долан регионас зун хөрн спортсмен ирж дөрлджәнә. Энүнд арвн тавн-арвн зурһан наста көвүд дииләчән йилһжәнә.

Хамгин бичкн элстихн эн өдрмүдт өвәрц мал-аһруснла өөрхн таньлдж чадхмн. Элст балһснд соньн зүстә тоть шовудын болн сар мөчнә һәәхүл көдлжәнә. Эдниг моһлцг һазр болһнас авч ирсмн.

Эн өдрмүдт танһчин райодын селәнә эдл-ахусд олна үкрмүдәс төль авгджана.

Эн өдрмүдт Сити-Чесст йисн нас күрәд уга бичкдүд дунд танһчин шатрин марһан болжана. Энүнд далн шатрч дөрлджәнә, эднәс хөрн тавн күүкн. Дөрплдән швейцарск системар болжана.

Сойлын көдләчнрт болн дошкольн эрдм-сурһулин, немр эрдм-сурһулин багшнрт жалв икдүлһнә төр хамгин һол төр болжана. Энүнә тускар дәкнәс танһчин толһач Алексей Орлов хальмгин правительствин сүүрт келв.

Апрель сард йирн нас наслсн йисн Хальмг танһчин пенсионер Әрәсән Президентас йөрәлин бичг авх. Апрель сард иим бичг авсн көгшәс дунд нурһлж күүкд улс. Нәәмн пенсионерк йөрәлин бичг авла.

Государственн болн муниципальн туслмж күрдг олн халхта цутхлнг көдлмшән цаарандан күцәжәнә. Энүнә һол күцлнь — өөдән мергжлттә көдләчнрин дөнгәр болн электронн систем олзлж әмтнд сән чнртә олн халхта туслжм күрглһн болжана.

Сойлын көдләчнриг эндр цуг танһчин әмтн йоөрәжәнә. Эндр Элст балһснд концертн залд сойлын көдләчнрин өдрт нерәдгдсн ик байр болв. Энүнә йовудт нүүрлдгч көдләчнр өөдән ачлврмудар ачлгдв.

Элст балһсна нәәмдгч микрорайонд бәәх хөрн нәәмдгч тойгта бичкдүдин садын сурһульчнр хальмг келнә марһанд һол мөрә гран-при шүүж авв. Иим аштаһар Ээжин келн — энкр зөөр нертә хотл балһсна марһан төгсв.

Хальмг танһчд нилх төрлһнә то өсв. Эн жилин эклцәс авн долан зун бичкдүд төрв. Сүл кесг жилин эргцд төрсн көвүдин то күүкдәс ик болв.

Эндр өрүн Элтс балһснд маршрутн автобусмуд дәкнәс экләд көдлв. Автобусар йовлһан үн өсәд уга. Дәкәд нег толад келхлә, арһлачнрин буцлтас көлтә хойр өдр элстихн олна көлгн-күчәр йовж чадсн уга.

“Народный герой — Юг”. Иим нерәдлһтә түрүн региональн прорамм Өмн үзгин федеральн округд эклв. Энүнд баатр-зөрмг улсин тускар келгдх, әмт харсж авсн йовдлмудын тускар бичгдхмн.

Селәнә эдл-ахун көдләчнр хаврин тәрәнә көдлмшән эклв. Энүнлә зерг олна малас төль авгджана, малын хот белдж авгджана. Эн жил урһц сән болх гиж селәнә эдл-ахун көдләчнр нәәлжәнә.