Хальмг танһчин госавтоинспекц сокту жалачнриг илткж авхин төлә цуг маши залачнриг зогсаһад шинжлһнә бүртклһ кежәнә. Ода ГИБДД-н көдләчнр цуг автомобилистнриг зогсах зөвтә.

Пальмовин нертә келн-улсин музейд Хальмгин дүрслгч искусствин алдр үүлдәчнр нертә һәәхүл секгдв. Соньн шин һәәхүл Элст балһсна искусствин эрдмд дурта улсин болн мана танһчин гиичнрин оньг авлх.

Элст балһснд Мөнк заль нертә мемориальн комплексин эрснд дәкнәс бузр үгмүд бичәд, бузрдаж. Полицин дежурн әнгд Элст балһсна эдл-ахун һардачин зәнглсәр, Мөнк заль бумбд бузр үгмүд бичгдв.

Олн давхрта гермүдин капитальн ясвр урдк кевәр, ЖКХ-н халх шинрүлһнә сангин мөнгәр күцәгдхмн. Болв эн жиләс авн гермүдин эздүдин орулж өгх мөнгнә кемжән арвн тавн процентд өсв.

“Сказ о Калмыкии”. Элстин лицейд эн өдрмүдт Хальмг АССР-ин ачта үүлдәч, РСФСР-ин олн-әмтнә зурач Һәрә Рокчинскийн йирн жилин өөнд нерәдгдсн иим нерәдлһтә һәәхүл секгдв.

Эн жил “Тюльпанчик” нертә бичкдүдин бииһин ансамбль хөрн жилин ончта өөнән темдглжәнә. Хальмгин бичкн артистнр Әрәсән болн нарта-делкән марһаст олн диилвр бәрсмн.Өдр болһн гилтә репетиц, концертмуд болн гастрольмуд болна.

Яшалтинск района больницд эврә компьютерн томограф көдлжәнә. Ода района әмтн урдк кевәр хол һазрт кесг зун дуунда йовлго, дор ормдан шинжлт кеж чаджана.

Эндр масличн долан хонг эклжәнә. Эн кемд шуугатаһар үвл үдшәнә, өөрджәх дула болн йиртмжин шинрүлсн кем байртаһар тосжах темдг болжана. Масленица ик кезәнк славянск байр.

Эндр наркоконтролин көдләчнрин сән өдр. Иим шишлнг ведомств тогтаснь дигтә цаглань кегдв, ик чинртә бүрдәц гиж иткүлв. Эндр антинаркотическ церглтин арвн жилин үүлдврин аш диглгдв.

ООН-на шиидврәр, мартын нәәмнд жил болһн күүкд улсин зөвин төлә ноолдлһна нарта-делкән өдр темдглгднә. Әрәсәд эн сән өдриг дигтә зун жил хооран түрүн болж темдглв.

Хальмгин университетд танһчин сойлын нертә үүлдәчнрлә болн талодан чигн ветранмудла оютнр харһлтс кежәнә. Эн туужлгч керг-үүлдвр “Родом из поколения созидателей” нерәдлһтәһәр давулгджана.

Зәнглһнә өдрин һол төр болж танһчин эдл-ахусд хаврин тәрәнә көдлмшт белдвр келһнә төр болв.“Казачий” нертә эдл-ахун механизатормуд хамгин түрүнд хаврин тәрәнә көдлмшән эклв.

Хальмг танһчд зәнглһнә өдр бүрдәж давулгдв. Энүнд министерствсин-ведомствсин элчнр орлцв. Городовиковск районд ирсн көдлмшч баг танһчин социальн-экономическ делгрлтин ашар болсн селвлцәнд орлцв.

Эндр нарт делкән күүкд улсин өдрин өмн өргнд “Динамо” нертә спортивн залд зөв йосна органмудт көдлжәх күүкд улс дунд тогтсн авьясар жил болһн давуллгдг спартакиад болжана.

Школд түрүн болж орх бичкдүд бичгдж авгджана. Сурһулин шин жил күртл цаг бәәв чигн, негдгч класст орх көвүд-күүкдин эк-эцкнр эн төриг оданас авн экләд хаһлх зөвтә.