“Чистое будушее — в чистом настояшем”. Иим нерәдлһтәһәр эндр Элст балһснд "Жилин багш" нертә марһана региональн девснг эклв. Энүнд дөрвн номинацар дөрлдән болжана.

Элст балһснд Мөнк заль нертә мемориальн комплекс әрүн һазрин негнь болжана. Нааран дәәнә ветеранмуд, баһчуд болн бичкдүд ирәд, әмнәсн хаһцсн салдснрин санл тодлна.

“Весенний перезвон” нертә һурвдгч нарта-делкән фестиваль Саратов балһснд болв. Хальмг таңһчин нериг “Байр” нертә Элст балһсна бичкдүдин искусствин хойрдгч тойгта школын сурһульчнр харсв. Эдн “Инструментальная музыка” нертә номинацд диилвр бәрв.

Хальмг танһчин жилин педагог нертә марһан болжана. Манһдур Элст балһснд танһчин марһана товчлгч девснгнь болхмн. Эн жил дөрлдән дөрвн номинацар бүрдәгджәнә.

Апрелин арвнас авн хөрн һурвн күртл Элст балһснд болн цуг райодын муниципальн бүрдәцсд бәәрн залврин сән өдрт нерәдгдсн байрин керг-үүлдврмүд болх.

Цуглрсн ялын тускар жолачнр интернетас медж авх. Әрәсән госавтоинспекц онлайн-сервис секв. Энүнә дөнгәр цуг жолачнр эврәннь өрин тускар медж авхмн.

Баһ Дөрвдә районд тоосхин шин заводын тосхлт төгсжәнә. Эннь танһчин хамгин ик промышленн төсв болжана. Шин предприять жилдән арвн тавн сай тоосх кеж һарһхмн.

Элст балһснд дула өглһнә кем төгсв. Тавн өдрин эргцд хотл балһснд аһарин кемжән дулан болснас иштә дула өглһн зогсагдв. Элстин администрацин тогтаврар апрелин нәәмнд цуг котельня көдлмш зогсв.

Эн долан хонгт танһчин бичкдүдин үүдәлтин бәәшнгд урн һарта бичкдүдин кегдлмүдин марһан болв. Энүнд көвүд-күүкд кермсин, самолетмудын болн танкмудын модельмуд үзүлв.

Элст балһснд оютнрин педагогическ отрядмудын форум көдлмшән төгсәв. Дәкәд нег тодлад келхлә, баһчудын ик хург апрелин һурвнас авн долан күртл болв. Энүнд Әрәсән оютнрин отрядмудын баһчудын организацсин шунмһа орлцачнр көдлв.

Элст балһснд сурһульчнр болн оютнр дунд болсн «Алтн дун» нертә дууна марһана товчлгч девсң давв. Энүнә орлцачнр һурвн насни багд хувагдсн билә.

Хальмг танһчд 001 тойгта машина поликлиник эндр ирв. Әрәсәд эрүл-менд халх шинрүлһнә программар иим эмнүлин диагностическ комплексмуд һучн долан эмнүлин учрежденьд ирх.

Көтчнрә района Көглт селән газ уга танһчин дөчн дөрвн селәнә тоод оржана. Энд газин сурвлжна тосхлт давсн жилд эклсн билә.

Теегин йосна бичгин сән өдрин өмн өргнд Хальмгин университетин оютнр танһчин олн-әмтнә хуралд одад, депутатнрла болн хуралын ахлачла күүндв. Юристын эрдм дасжах баһчудын сурврт Анатолий Козачко тодрха хәрү өгв.

Эндр Элст балһснд “Актуальные вопросы инфекции в хирургии и интенсивной терапии” нерәдлһтә конференц болв. Сити — чесст эмчнр цуглрад номин ик хург кев.