Правительствин сүүр болв

Сойлын көдләчнрт болн дошкольн эрдм-сурһулин, немр эрдм-сурһулин багшнрт жалв икдүлһнә төр хамгин һол төр болжана. Энүнә тускар дәкнәс танһчин толһач Алексей Орлов хальмгин правительствин сүүрт келв. Эн категорин көдләчнрин жалв танһчин райодт ода бичкн. Зуг Яшкульск районд жалвин сән кемжән өгхин төлә кергтә мөнгн темдглж авгдв. Иим жалв Городовиковск болн Окятбрьск райодын муниципальн бүрдәцд өггдх гиж зуралгдв. Талдан райод танһчин бюджетас дөн күләжәнә. Иим бәәдлиг эрк биш чиклх кергтә гиж Алексей Орлов темдглв. Эн жилин хорйдгч кварталын эклц күртл кергтә жалв өгхин туск зура батлж авх даалһвр райодын һардачнрт танһчин толһач Алексей Орлов өгв. Хойрдгч кварталын чилгчәр темдглсн зураг эклж күцәх неквр тәвгджәнә.