Давсн үвләр цасн баһ болад, эргндк аһу бузрдснь ил үзгднә. Энд-тенд пластикин шилмүд, картон, цаасн болн талдан чигн хог-бог хотл балһсна уульнцд болн хаалһсин хажуд овалһата.

Эн өдрмүдт Хальмгин олн әмтнә бичәч Нуура Владимир эврәннь далн тавн жилин ончта өөнән темдглв. Энүнд нерәдгдсн керг-үүлдврмүд, харһлтс, литературн асхн хотл Элст балһснд болн таңһчин цуг райодт давулгджана.

ЖКХ-н тарифмуд дегд икәр өсснь олн әмтиг үүмүлжәнә. Эн төр правительствин онц оньгт бәәнә. Әрәсән президент энүнә тускар шишлнг селвлцә кеһәд, эн туст тогтсн бәәдл шинжлх даалһвр өгв.

Давсн жилд противоаварийн керг-үүлдврмүдин федеральн программар танһчи школмудт ясврин көдлмш зун процентд күцәгдв. Хальмг танһчд арвн һурвн сурһулин заведеньд капитальн ясвр кегдсмн.

Эндр Хальмг танһчин олн-әмтнә хуралын дарани дөчн дөрвдгч сессин сүүр болв. Энүнд депутатнр хөрн зурһан төр хәләһәд, ирлцнһү тогтавр батлж авцхав. Сүүр Хальмг танһчин толһач Алексей Орлов орлцв.

Шог наадна болн драмин орсин театрт Василий Сигаревин бичсн “Детектор лжи” нертә наад үзүлхәр белджәнә. Энүг танһчин хәләһәчнр мартын нег шинәс авн һурвн күртл хәләж чадх.

Эндр танһчин МЧС-ин көдләчнрин сурһуль болв. Музейин хойрдгч давхрт Алдр Диилвр нертә һәәхүлин залд түүмр шатжана гисн зәнг Пальмовин нертә келн-улсин музейин харулин көдләчәс МЧС-ин шишлнг залһлдана цутхлнг пультд ирв.

Әрәсән донормуд мөнгнә ормд сән хот-хоолар теткгдхмн. Болв ховр цусан өгсн улс урдк кевәр мөнг авч чаджана. Шин закана тускар ода әмтн зүткәтә күүндвр кежәнә.

Эндр Хальмг танһчин олн-әмтнә хуралын бюджетин, экономическ политикин, арһлачнрин болн зөөрин комитетин сүүр болв. Энүнд арвн төрәр депутатнр күүндвр кев.

Хальмгин государственн университетин оютнр болн багшнр профосоюзн көдлмшт шунмһа кевәр орлцсн төләд “Лидер года” нертә мөрәһәр ачлгдв.

Төрскән харсгч дәәнә орлцачнрт болн тылын көдләчнрт нерәдгдсн мемориальн самбр секлһнә митинг Аршань поселкд болв. Энүнд дәәнә ветеранмуд, танһчин министерствсин-ведомствсин элчнр орлцв.

Эндр Элст балһснд “Жилин багш” нертә хотл балһсна марһан болв. Эн жил марһан һурвн номинацар бүрдәгдв. Эннь предметин багш, бичкдүдин садын сурһмжлач болн педагогическ дебют нертә номинац.

Өнчн бичкдүдиг өрк-бүлдән авсн эк-эцкнрт сар болһн хөрн минһн арслнг өггдх, инвалид бичкдүдиг авсн улс һучн минһн арслнг авхмн.

Эндр Хальмг танһчин правительствин дарани сүүр болв. Энүнд дөрвн төр хәләгдв. Улсиг көдлмшәр тетклһнә агентств әмтин көдлмшәр тетклһнд дөн күрглһнә керг-үүлдврмүд күцәлһнә программин аш диглв.

Зурһадгч классин сурһульч Андрей Шпилевой көвүн күүнә эрдм биш цааснас кегдлмүд кеж һарһдг көдлмш күцәнә. Энүнә тоолврар, иим үүл седклин сергмж өгч байр үүдәнә.