Шатрин марһан Элстд болжана
Эн өдрмүдт Сити-Чесст йисн нас күрәд уга бичкдүд дунд танһчин шатрин марһан болжана. Энүнд далн шатрч дөрлджәнә, эднәс хөрн тавн күүкн. Дөрплдән швейцарск системар болжана. Диилвр бәрсн шатрчнр Кострома балһснд болх марһанд Хальмг танһчин нер харсх. Тер саамд классическ шатрар хамгин сән үзмж бәрсн бичкдүд Әәдрхн балһснд һарч йовх. Тер мет Элст балһснд эрдм-сурһулин учрежденьс дунд Цаһан тергн нертә турнир болжана.
Денис Манджиев иим марһанд түрүн болж орлцжана. Эн көвүн хамгин бичкн орлцач болжана. Денис ода зуг дөрвн наста. Энүнә келсәр, шатр наадхдан йир дурта. Иргчдән дурта эрдмнь энүнә жирһлин хаалһд һол керг болх бәәдлтә. Энүнлә нааджах Анжа Лиджиев нәәмн наста көвүн. Анжа бас иим дөрлдәнд түрүн болж нааджана. Анжан келсәр, эврәннь школын нерән харсжах йовдл энүнд ик күндтә керг болжана. Анжа Лиджиевин келсәр, марһанд багш Алексей Михайловичла белдвр кеж. Эн багш хамгин сән багш. Эн марһанд диилвр бәрх саната.
Дөрлдәнд ут-тоодан Элст балһснас болн танючин райодас далн көвүн-күүкн орлцжана. Хальмг танһчин марһан швейцарск системар йисн девснгәр болжана. Нег нааднд шатрч болһнд жирн минут өггджәнә. Марһан долан хонгин чилгчәр төгсх. Региональн девснгин дииләч Хальмг танһчин нер эн жил май сард Кострома балһснд болх Әрәәсн марһанд харсхмн. Шатр йир соньн болн олз-туста наад болжана. Шатр наадхдан йир дурта.
Марһана бүрдәһәчнрин келсәр, иим дөрлдәнә һол күцлнь — уйн наста шатрчнрин мергжлт өөдлүлсн деерән, сурһульчнр дунд шатрин наад тархалһн болжана. Шатрин академин директор Александр Абушиновин келсәр, шатрт дурта цуг бичкдүдиг иим марһанд авхар шиидж. Дөрвн настаһас авн көвүд-күүкд орлцж чаджана. Иим дөрлдәнд эдн дамшлт авад, хөөннь сән үзмж бәрнә.
Тер мет эн өдрмүдт Элтс балһснд Цаһан тергн нертә региональн девснгин марһан болжана. Энүнд арвн зурһан команд дииләчән йилһжәнә. Тер тоод танһчин арвн һурвн команд ирж чидлән сөржәнә. Команд болһна ханьд һурвн көвүн болн нег күүкн оржана. Дөрлдәнә дииләчнр Әәдрхн балһснд юолх товчлгч марһанд орлцхмн. Келхд, давсн жилд хальмгин уйн наста шатрчнр түрүн болж Цаһана тергн нертә цугәрәсән марһана призермудын тоод орла. Тиигхд Элст балһсна һурвдгч школын команд хойрдгч орм эзлв.
Ээнән Делгр Котина Валерий
