Эндр Элст балһсна цутхлнг талвнгд донормудын келн-улсин өдрин программар “Протяни руку жизни” нертә керг-үүлдвр болжана. Танһчин күн болһн цусан өгәд, күнд бәәдлд туссн улст дөн күргж чадх.

Ода танһчин селәнә эдл-ахун көдләчнрт һол көдлмш дунд царцахала ноолда келһн болн тәрәнә һазриг харсж авлһна төр болжана. Хортнас тәрәнә аһуг харслһна көдлмшиг танһчин эдл-ахус экләд уга.

Хальмгин искусствин училишд сурһулин жил төгсхин өмн өргнд күцәгддг нег дааврта керг-үүлдврнь — оютнрин тооцана концерт. Эн жил Калмгосфилармоня ик залд болсн концерт онц чинр зүүжәнә.

“На подмостках апреля”. Иим нерәдлһтә школьн театрмудын марһан хәләвр Элст балһснд болв. Иим искусствин фестиваль дорас өсж йовх баһчудын үүдәгч билгинь делгрүлх күцл тәвж бүрдәгднә.

Элст балһсна арвн тавдгч школын информатикин багш Аркадий Муниев педагогическ дебют нертә номинацд сән үзмж бәрв. Москва балһснд болсн цугәрәсән марһанд баһ наста багш лауреатын нер зүүв.

Эндр Элст балһснд Ар Кавказин нефрологическ цутхлнгин филиал байрин бәәдлд секгдв. Энүнд Хальмг танһчин толһач Алексей Орлов орлцв. Шин цутхлнгд һурвн залд өдгәц агин некврлә ирлцәтә оборудовань углж тәвгдв.

Миграционн церглтин көдләчнр мана орн-нутгас нүүж һархасн зулжах эс гиж зөв угһар көдлжәх һазадын ордудын улсиг болн гражданств уга әмтиг илткж авлһна төлә шишлнг рейд күцәв.

Яшкульск района бичкдүдин поликлиникин герт капитальн ясвр төгсжәнә. Эн жилин январь сарас авн хирургическ болн төрлһнә әнгүдин гермүдт ясврин көдлмш кегдәд, гемтә улсин бәәцин таал ясрв.

Манһдур Хальмг танһчин олн-әмтнә хуралын депутатнр Әәдрхн балһснд болх Әрәсән Өмн үзгин парламентск ниицәнә арвн нәәмдгч конференцин көдлмшт орлцх. Хальмгин депутатнр селвгүд орулж өгх саната.

Әмтиг хуучн нурад унжах гермүдәс нүүлһнә программиг хойр минһн арвн доладгч жилин сентябрь сар күртл хооран саах шиидвр авгдв. Энүнә тускар Элст балһснд Әрәсән президентин һардврт болсн селвлцәнә йовудт зәнглгдв.

“Голос нации” нертә марһана хойрдгч девснгд байрта йовдл учрв. Тооцана концертин ашар нүүрт һарсн шин улс йилһрв. Марһанд орлцачнр “Легато” ансамблин программас дурлсн дууһан дуулж өгв.

“Полет мыслей”. Иим нерәдлһтә керг-үүлдвр Элстин арвн хойрдгч школын сурһульчнр бүрдәв. Хотл балһсна цутхлнгд эдн хальмг келәр күүндх дуудвр кецхәв. Тер мет бичкдүд хальмг би бииләд, ду дуулв.

Танһчин селәнә эдл-ахусд олна хөөдәс төль авлһна көдлмш гүргүдән. Яшкульск районд ода зун тәвн минһн хурһн авгдсн бәәнә. Района хөөчнр зун хөөнә тоод зун хурһ авх зурата.

Танһчин хойр дундур минһн сурһульч эврәннь медрлән сөрж чадх. Эндр ГИА янзта эсвин сөрлһнә шүүвр болв. Иим шүүвр йисдгч классин сурһульчнрин төлә дамшлтын кемжәнд кегджәнә.

Хальмг танһчин болн Астраханск областин түлән болн энергетическ комплексин көрнг хадһлжах һазрас болн нефтин сурвлжнас түүкә нефть танһчин хөрн долан күн хулхалж гиж гешәгджәнә.