Эндр правительствин сүүр болв
Эндр танһчин правительствин сүүр болв. Энүнд һурвн төр хәләгдх. Келн-улсин хоорндк хәрлцәнә төрмүдәр келн-улсин сойлын негдлтслә, олна организацсла, шажна ниицәслә бәәрн залврин органмудла хамцу керг-үүлдврмүд күцәлһнә төрәр Лариса Васильева доклад кев. Социальн делгрлтин, күч-көлснә болн улсиг көдлмшәр тетклһнә министр Марина Ользятиева бичкдүдтә өрк-бүлмүдиг социальн дөннлһнә тускар зәнглһ кев. Эн ик чинртә төр хәләгдсн кемд танһчин толһач Алексей Орлов седвәр орулж өгв. Энүнә тоолврар, сар болһн бичкдүдт өгдг дөнцл мөнгнә кемжәг икдүлх кергтә, һурвдгч болн энүнә хөөн төрсн бичкдүдт дөнцл мөнгиг бас икдүлх кергтә. Министрмүдин кабинетин сүүрт һол төр болж олимпийск һалын эстафет тосж авлһнд белдвр келһнә төр хәләгдв. Олимпийск һал Элст балһснд январин хөрн тавнд ирх.
