Некоммерческ организацс мөнгнә мөрә авв
Эндр танһчин марһанд диилвр бәрсн некоммерческ организацс грант авв. Ут-тоодан иим хөрн дөрвн мөнгнә мөрә өггдв. Эдн цугтан танһчин толһачла харһлт кев. Алексей Орлов эдниг йөрәһәд, дииләчнрин сертификат бәрүлж өгв. Танһчин правительствин зарлсн марһанд дөчн хойр олн-зүсн социальн төсв үзүлгдв. Тер тоод билгтә баһчудыг дөннлһнә, инвалид улст нөкд күрглһнә, өнчн бичкдүдт дөн күрглһнә, медәтә улсиг көдлмшр тетклһнә, төрскнч сурһмж өглһнә, ветеранмудын бәәдл-жирһл ясрулһна программ кегдв. Эднәс комиссь хөрн дөрвн төсв шүүж авв. Эдн дииләчнрин тоод орв. Эдн зун минһн арслнгас авн һурвн зун минһн арслнг күртл мөрә шүүж авв. Ут-тоодан энүнә төлә зурһан сай арслнг йилһж өггдв. Эннь некоммерческ организацсиг дөннлһнә танһчин шишлнг программар һарһж өггдсмн.
