Лаганьд цифрин телевидень хәләж болх
Лаганск районд байрта йовдл учрв. Көк тенгсин көвәд бәәх балһсна олн давхрта гермүдин әздүд өдгә цагин техникин болн оборудованя нилчәр түргн интернет олзлж чадх болн Айпи телевидень хәләж чадхмн. Ода Лаганя хәләһәчнр Вести-калмыкия программ хәләж чаджана.
Интернетд көдлх улс дунд Валентина Тихонова йовна. Түрүн абонент гиж энүнд шишлнг сертификат бәрүлж өггдв.
Тана мана түрүн абонент болжанат. Тегәд танд льгот өггджәнә. Һурвн сардан мөнг өглго хәләх арһ бәәнә.
Бичкн дегтрлә әдл тюнер болн модем бәрүлж өггдв. Урднь иим аппарат ик болн күнд болдг билә. Күүкд күүнә шүүж авсн комплексн зураһар интернетар көдлж болх, телевиденя зун канал хәләж болх. Тер тоод “Калмыкия” ГТРК хәләж чадх. Вадентина Тихоновад эннь ик байр үүдәв. Ода телевизорин өмн сууһад мана танһчд учрсн йовдлмудын тускар медж чаджана.
Валентина Тихонован келсәр, эндр түрүн болж хальмгин телевидень хәләв. Ода мана региона шин зәнгсин тускар медж болх. Иим зәнг хәләхд соньн.
Валентина Тихонован ач көвүн Богдан Джамбиновин келсәр, ода интернетд кергтә зәнг олж авч болх. Школд дигтә иим даалһвр өглә.
Алексей Светлеков хам-хоша бәәх улсин дураһад бас танһчин шин зәнг хәләхәр шиидв. Алексей Светлековин келсәр, интернет болн телевидень олзлх саната.
Энүнә төлә әмтнд тааста тарифн зура бәәнә, үн дегд ик биш, хамгин һол кергнь интернет түргн болжана.
Ода Лаганск районд нег минһн хойр зун тәвн абонент бәәнә. Эднәс далн күн интернет болн айпи теелвидень олзлжана. Тер мет интернетд Пенсионн санг, банк, РОВД, цутхлнг больниц, медицинск дөн крүглһнә диспетчерск церглт көдлж чаджана. Ленина, Куйбышевин, Баташовин нертә уульнцин олн патьрта гермүдт бәәх бәәрн әмтн болхла изернет, эфирн залһлда олзлжана. Энүнә төлә һурвн дуунад шишлнг сунһуг татв, дөрвн коммутатор углж тәвж.
“Ростелекомин” филиалын директор Арслнг Корняковин келсәр, иргчдән нег минһн хойр зун абонент иим эв-арһ олзлж чадх. Эннь түргн интернет, Хальмгин телевидень района улс сән чинртә зургар хәләж чадх.
Һурвдгч тойгта Лаганск школын сурһульчнр болн багшнр түргн интернет олзлжана болн айти телевидень хәләжәнә. Энүнә дөнгәр эдн ЕГЭ-н шүүвриг шуд эфирт хәләж чадв.
Һурвдгч тойгта Лаганск школын директор Татьяна Мукабенован келсәр, май сарас авн интернет түргн болв. Тегәд информатикин кичәлмүд сән чинртәһәр давулгджана.
Иргч хойр минһн арвн дөрвдгч жилд “Ростелекомин” Хальмгин филиал Лаганьд шин эв-арһар дәкәд арвн тавн герт изернет орулх зурата. Көк тенгсин көвәд бәәх улс энүг ик кезәнәс авн күләжәсмн.
Лагань балһснд кегдсн Оптика в дом нертә пилотн төсв танһчин талдан чигн райодт күцәгдх. Тиигхлә Хальмгин әмтн оньдин залһлда бәрж чадх. Тер тоод “Калмыкия” ГТРК-н сонсхврмуд хәләж чаджана.
Елена Алексенко, Очра Сергей
