Удл уга мана танһчд жанһрчнрин болн келмрчнрин дөрвдгч нарта-делкән фестиваль болхмн
Удл уга мана танһчд жанһрчнрин болн келмрчнрин 4-гч нарт-делкән фестиваль давулгдх. Энүг угтж Хальмгин билгтнр белдврин үүл күцәжәнә. Шидр «Өөрднрин хотн» гидг цутхлнгин ул деер жанһрчнрин семинар болв.
Хальмг ик сурһулин болн та3һчин олн улсин билг-эрдмин Герин көдләчнрин седвәрәр давулгдсн семинарт ах үйнрлә хамдан баһ наста жа3һрчнр орлцв. Эднә ик зунь Элстин этношколд сурчах бичкдүд. Эн керг-үүлдвр жа3һрчнрин нарт-делкән фестиваль угтж давулгджах сүл белдвр болжана. Урднь жа3һрчнр бәәр дотр билгән хурцулдг бәәсн болхла эн саамд тиим үүлиг өвкнрин кезә3к авьясар у-өргн теегин таалд күцәв. Те3грин бәәдл чигн хальмг олн-әмтнә амн үрн үгин хамгин үнтә зөөрин баатрльг «Жа3һр» дуулврин учр-утхла ирлцсиг керг-үүлдвр давулачнр сән йорта йовдл гиж санжана.
Семинарин орлцачнр нертә жа3һрчнрин Ээлән Овлан болн Шавалин Даван айлһар хойр багд хувагдж хоорндан марһлдв. Эн хойр айлһиг хамгин өөрхнәр медүлж жа3һр дуулж йирһсн билгтнр ашлгч кемин йовудт күцц үүдәлтән үзүлв. Терүнә хөөн семинарын орлцачнрла нарт-делкән фестивальд кегджәх белдврин тускар күүндвр тогтасн Ик сурһулин хальмг болн дорд үзгин филологийин институтын декан Евдокия Хабунова ик сурһулин оютнрта хамдан шинжллһнә көдлмш кех саната.
Грицкон Роза, Очра Сергей
