Настольн теннисн танһчин марһана аш эндр диглгдв
Һарцин чилгчәр спортын туск зәнг. Танһчин бичкдүдин спортын школын түрүн директор Вил Номинхановин санлд нерәдгдсн настольн теннисн марһана аш эндр диглгдв. Дөрлдәнд танһчин райодын болн Элст балһсна зун көвүн-күүкн дииләчән йилһв. Мана зәнгч Шаран Баира марһана ашин тускар зәнглжәнә.
Марһанд орлцсн бичкдүд дунд хамгин бичкнь нәәмн наста. Зоя Лиджиеван келсәр, хойр жил хооран настольн теннисн секцд энүг ээжнь дахулад ирв. Эн жилмүдин эргцд Светлоград, Нальчик болн Самара балһсдт болсн дөрлдәнд орлцв. Эн марһанд болхла Зоя призермужын тоо орад, хойрдгч орм эзлв.
Зоя Лиджиеван келсәр, энүнд ик дамшлт хоршаһад уга спортсменк һарһв. Барун һарарн сәәнәр наадад, диилвр бәрж чадв. Нарта-делкән чемпионкин нер зүүх саната. Эрк биш күцлдән күрхв гиж Зоя келнә.
Тренерин тоолврар ода Мазн Эрдни-Горяев настольн теннисин йоста бичкн одн болжана. Иим спорт бичкдүдт чанһ-чиирг болхд туслна. Марһанд сән күцәмж бәрхин төлә цуг арһ-чидлән болн эрдмән олзлх кергтә. , анцхарн талдан спортсменла наадхла, хажуһас күн дөн болшго. Тегәд зуг бийдән нәәлх кергтә. СНХ Мазн Эрдни-Горяевин келсәр, цаарандан дамшлтан өөдлүләд, дурта спортар сән үзмж бәрх күцл тәвжәнә. Эк-эцк бас байрлжана. , аза аля-азд көөлгө, олз-туста керг күцәхлә сән болна гиж Мазн келнә.
Эн марһанд танһчин цуг райодас зу шаху уйн наста спортсмен ирж орлцв. Зәрм көвүд-күүкд иим дөрлдәнд түрүн болж орлцжана. баһ Дөврдә района бичкн теннисистнр командн марһанд призермудын тоод орв. СНХ Баһ Дөрвдә райна бичкдүдин спортын школын тренер Бадма Нохаевин келсәр, мана команд хальмг танһчд хамгин әсн командын тоод орна. Мана көвүд-күүкд чемпиона нер зүүв. Шинкн секцд ирсн бичкдүдт эднә ах үйнр нөкд болна.
Танһчин настольн теннисин федерацин күцәгч директор Анатолий Куберлиновин келсәр, жил ирәвс эн спортан соньмсжах бичкдүдин то өсәд йовна. СНХ Анатолий Куберлиновин келсәр, көвүд-күүд иим марһаст орлцад, дамшлтан өөдлүлнә. зуг эдн талдан регионмудт одад, Әрәсән чинртә дөрлдәнәд орлцх зөвтә. Тиигхлә эдн девшлтин хаалһд орх. Болв зәрм эк-эцкнр мөнг уга болад үрдүдән хол һазрт йовулж чаджахш.
Анатолий Куберлиновин тоолврар, иим наста бичкдүд настольн теннисар экләд соньмсхла сән болна. Иим спорт бичкдүдт тесллтә болхд туслна, эдн чанһ-чиирг болна, агчмин зуур чик шиидвр авх сурһмж өгнә. Тегәд чигн настольн теннисиг шатрла дүнцүлнә.
