Эндр Хальмг танһчин олн-әмтнә хуралын һучн дөрвдгч сессин сүүр болв
Ода эн болн талдан чигн зәнгсин тускар тодрхаһар. Эндр Хальмг танһчин олн-әмтнә хуралын дарани биш һучн дөрвдгч сессин сүүр болв. Депутатнр ут-тоодан арвн негн төр хәләһәд, ирлцнһү тогтавр батлж авв. Тер тоод эн жилин танһчин бюджетд сольвр орулгдв. Тер мет сүүрт иргч жилд улсин эрк биш эдлдг хот-хоолын кемжәнә закана төсв хәләгдв, олн үртә өрк-бүлмүдиг социальн халхар дөннлһнә төрәр күүндвр болв. Сессин тускар тодрхаһар мана сюжетд келгджәнә.
Сессин сүүрт һол төр болж эн жилин танһчин бюджетд сольвр орулһна төр хәләгдв. Энүнәтускар Хальмг танһчин финансин министр Надежда Глушкина зәнглһ кев. Надежда Глушкина келсәр, эн жилин танһчин бюджет зурһан жува һурвн зун йирн сай арслнгд күцәгдв. Эннь далн нәәмн процент тогтав.
Глушкина темдглсәр, федеральн бюджетас немр зурһан зун хөрн нәәмн сай арслнг ирснәс иштәэн жилин танһчин бюджетд сольвр орулх кергтә болв. Тер саамд урднь авсн темдглсн даалһвр бүклдән күцәгдв. Хамгин түрүнд бюджетн халхин көдләчнрин жалв немгдв, зәрм категорин улст социальн халхар дөн күрггдв. Тер мет капитальн тосхлтын обьектмудт инвестицин кемжән икдв, олн уртә өрк-бүлмүдт дөн күрггдв. Ода иим өрк-бүлмүд сард нег дәкж өнгәр музейд эс гиж театрт одж чадх. Хальмг танһчин толһачин келсәр, хазнд сольвр орулх минфина болн правительствин орулж өгсн селвгәр, танһчин бюджет зун процентд социальн чинртәболх. Орловин келсәр, бюджетын заканд орулжах сольвриг дөннх дуудвр кегджәнә. Энүнәтөләдууһан өгтн гиж танһчин һардач сурв.
Татьяна Бакинова эврәннь докладтан танһчин һазрин туск шин закана тускар цәәлһвр кев. Ода онц эдл-аху бәржәх әмтнд хойр дундур гектар һазр өггдх зөвтә. Федеральн закана некврәр, селәнә эдл-ахун чинртәһазр хулдж авх үн хөрн процентас арвн тавн процентд баһрв. Хуралын депутатнр эврәннь комитетдан сән белдврин көдлмш кеснәс иштә, эндкр сүүр бүрдәмжтәһәр давулгдв. Олн-әмтнәхуралын ахлач Анатолий Козачко келсәр, депутат болһн эврә тоолврта болх зөвтә. Танһчин зака батлж авсн цагт эдн сәәнәр ухалад дууһан өгхләсән болх.
Олимпийск, паралимпийск наадна чемпионмудыг болн призермудыг, европин болн нарта-делкән чемпионмудыг, эднә тренермудыг материальн халхар дөнлһнә тускар хуралын баһчудын болн спортын комитетин ахлач Раимкуль Малахбековин орулж өгсн селвгиг депутатнр дөннв.
