Элст балһснд оютнрин тосхлтын отрядмудын ветеранмудын түрүн хург болв

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһснд оютнрин тосхлтын отрядмудын ветеранмудын түрүн ик хург болв. Энүнд танһчин цуг райодас оютнрин отрядмудын ханьд көдлж йовсн зун күн орлцв. Эдн тер цагин тодлврмударн хувалцв. Энүнә тускар тодрхаһар мана дарани сюжетд келгджәнә.

Советин йосна цагт олн баһчуд оютнрин тосхачнрин отрядын ханьд орад, зунвн кемд көдлдг билә. Иим цагиг эдн кесгтән тодлдг бәәсмн. Оютнрин тосхлтын отрядмуд олн-зүсн нер зүүв, тер тоод Айс, Интеграл, Руно негн, Руно хойр, Стригальный, Мелиоратор, Фиеста нертә отрядмудын ханьд олн бачһуд көдлв. Иим жисән ахр болзгт күн авв. Николай Санджиевин тодлсар, жил ирвәс тосхлтын отрядт көдлдг хальмгин оютнрин то өсәд йовв. Далдгч жилин дундурар Николай Санджиев зурһан жилдән иим отряд һарджасмн. Правительствин аппаратын заллтин ахлач Никоалй сандживеин келсәр, иим дамшлт йир олз-туста билә. Ода мана танһчд оютнрин тосхлтын отрядт көдлжәсн улс һардачнрин үүл даажана.

Оютнрин тосхлытн отрядмудын ветеранмудын ик хург түрүн болж бүрдәгдв. Иим отрядмудын ханьд көдлжәсн улс тер цагин тускар тодлврмударн хувалцв. Тер цагиг эдн ода күртл сәәнәр тодлна. Лайф Нина Ходжаеван келсәр, хамдан цуглрсндан ик байрта бәәнәвидн. Цугтан тер цагиг бүлән үгмүдәр тодлна.

Зунын кемд шүүврән өгчкәд, олн-зүсн обьектмудт көдләд, мөнг олх арһ учрдг бәәсмн. Зунын амрлһан кемиг эдн олз-тустаһар олзлдг билә. Хальмгин университетин проректор Валерий Эвиевин келсәр, иим кевәр хамдан көдлхлә, нег-негнәсн дамшлт хоршах арһ учрна. Деед сурһуль төгсәсн баһчудиг көдлмшәр тетклһнә төр хаһлжанавидн.

Ода Элст балһснд арвн хойр оютнрин тосхлтын отряд бәәнә. Олна керг харһхла, эдн йир сән нөкд болна. Баһчуд олн-зүсн эрдмәр, тер тоод харсачнр, вожатый, шалдачнр болж эдн көдлнә. Өдгә цагин оютнрин көдлмш дөчн тавн жил хооран көдлжәсн баһчудын үүлдврәс икәр йилһрхш. Зуг эн кергт тер цагла дүнцүлхлә, баһчудын то невчк баһ. Блиц 1 баһ наста тосхачнрин келсәр, иим керг таасгджана. Олимпийск обьектмудт көдлжәнәвидн. Өдр сө-уга гилтә көдлх кергтә болна. Тер бийнь көдлмш таасгдна.

Харһлтын йовудт оютнрин тосхлтын отрядмудын ветеранмудын хүүв бүрдәх шиидвр авгдв. Нүүрлчг көдләчнр күндлһнә һашгудар болн талдан чигн мөрәһәр ачлгдв. Өдгәц агин болн давсн жилмүдин оютнрин залһдан тасржахш. Жил ирвәс иим залһлдан улм батрх ицл бәәнә.