Келн-улсин театрин белдсн “ О, Чуучя, Чуучя” наадн хәләһәчнрт таасгдх зөвтә
Хальмг танһчин келн-улсин театрт Баснга Баатрин бичсн пьесар тәвгдсн “О, Чуучя, Чуучя” наадн олн хәләһәчнрт таасгдх зөвтә. Шин наадыг театрин коллектив ончта өөндән болн танһчин алдр драматургин зун жилин өөнд нерәдж тәвв. Борис Манджиевин белдсн тәвсн наадна һол учр-утхин чинрин ода күртл цуг улст өөрхн. Наадна түрүн үзүлврт олн хәләһәчнр ирв. Соньн наадыг эдн йир байртаһар тосж артистнрт болн режиссерт ик ханлтан өргв.
Баатр Баснговин үүдәсн Чүүчя нертә наадн олн улст йир икәр таасгдв. Энүг Хальмг танһчин болн Әрәсән искусствин ачта үүлдәч Борис Манджиев белд тәвсмн. Баснга Баатрин нентә. келн-улсин тетарин генеральн директор Галина Шураеван келсәр, эн наадн түрүн болж кесг жил болад тәвгдв, эн шин спектакль олн улст таасгдв. Чуучя наадыг хәләһәд уга улс ирәд хәләтн гиж үрвр кежәнәвидн. Нанд бас йир икәр таасгдв гиж Шураева келнә.
Келхд, келн-улсин тетарин сценд эн наадн урднь кесг дәкж үзүлгдлә. Болв сүл дәкж иим наадн тәвсн цагас дигтә хөрн жил болв. Тер бйинь Чуучян тууж хөрн негжгч зун жилд чигн урдк кевәр ик чинрән гееһәд уга.
Дәкәд нег тодлад келхд, наадн болжах йовдл нег минһн арвн нәәмдгч жилд учрсмн. Ьайн күн Чууяхальмг улсиг һардхин төлә өмнән ямаран чигн боомтг тоод авчахш. Әрәсән императорас зөвшәлд авад, хальмг улсин толһач болхин төлә олн-зүсн мек-тах олзлна. Энүнә ашт кесг әмтн түрү-зүдү үзнә. Иим дажрлт тесж чадглө, әхмтн буцлт кенә. Наад хәләсн баһчсуд эн наадна учр-утхин бас сәәнәр медв. Николай Басанговин келсәр, баһчуд иим наад эрк биш ирж хәләхлә сән болх. Иим нааднас эдн уха тунһаж олз-туста сурһмж авч чадх.
Хальмг танһчин ачта артист Владимир Базыров Чуучян дүриг йир сәәнәр үзүлж чадв. Тер мет нааднд орлцжах талдан чигн артитснриг хәләһәчнр бүләнәр тос кесгтән альх ташад байрлв.
Баснга Баатрин нертә Хальмг танһчин клен-улсин театрин ончта өөнин өмн өргнд артистнр соньн наадар эврәннь хәләһәвнрән байрлулхар зүткжәнә. Чуучя наадыг дәкәд нег ирх жилин январь сард үзж болх.
Аджин Светлана. Бадмаран Владислав
