Элст балһсна олн давхрта шин герт нүүж орсн әмтн дегд удан байрлсн уга
Элст балһсна һурвдгч микрорайонд бәәх олн давхрта шин герт нүүж орсн әмтн дегд удан байрлж чадсн уга. Шин бүүрт орсн улс шинкн мебелян тәвсн хөөн, эднә патьрмудт эвдрлт учрв. Эднә тоолврар, тосхачнр шин гер дегд түргәр эдлврт орулнав гиһәд, гериг сәәнәр хагсаж чадсн уга.
Хойр сар хооран Любовь Батрашкиева тенкән уга гидгәр байрлсн билә. Хуучн гермүдәс әмт нүүлһнә шишлнг программар тосхсн герт энүнд хойр хората шин патьрин түлкүр байрин бәәдлд бәрүлж өггдсн билә. Правда нертә уульнцд бәәсн хуучн герин ормд шин герт нүүж орад, удан байрлсн уга. Шин бүүрт нүүж орсн дару энүнә патьрт чиг-хурад бәәв. Лиж батрашкиевин келсәр. Герт чиг хурад, кииһәд авхд күнд болна. Хуучн герт бас гемндг бәәж.
Любовь Батрашкиеван келсәр, эн патьрт пол дарас чиг һарад, гернь чииктә болж одна. Өдр болһн герин булнгин хорад бәәх хар чиигәс көлтә, патьрин эрс болн терз цеврлх кергтә болна. Тавдгч микрорайонас нүүж орсн Палаевихна өрк-бүл иим әәмшгтә бәәдләс бас үргжәнә. тер мет иим бәәдл хам-хоша бәәх арвн негдгч герт бас тогтв. Петр Эрднеевин келсәр, тавдгч микрорайонд бәәх герт чигу га бәәж. энд болхла усн һоожна.
Шин герин эргнд цугтан чиигтә, патьрмудт кииһән авдг арһ уга болна гиж шин бүүрт нүүж орсн улс келнә. Бәәрн улсин темдглсәр. шин терзәр церв аһар оржахш, сантехническ оборудовань тер дарунь хамхрш одв. Деерк давхрт герин ораһар дусал дусжана. Энүг тосхачнр әрә гиж кев. Өдр болһн герин комитетин гешүд залврин компаньд одад, ясвр кехинь сурна. Тедн болхла тосхачнр мууһар гер бәрж гиж гөрдж һарна. Тосхлтын предприятин болн залврин компаня элчнр орлцата шишлнг комиссин шинжлсәр, эрс дунд хаһжр дула бәрлһнә материал тәвгдж. Нег үлү, шин гер сәәнәр хагсад уга бәәж. Залврин компаня элч Владимир Эрендженовин келсәр, шин гер тосхсн хөөн, сәәнәр хагссн уга. Уд луга эн эвдрлтиг чиклх зура бәәнә.
Шин бүүрт нүүж орсн улст эдн удла уга дөн болх саната. Иим оньг эднд өгснд бәәрн улс байрлв, зуг шин бүүрт нүүж орснд икәр эдн байрлж чадсн уга. тегәд гермүд шин болв чигн, урдк хуучн төрмүд энд тер кевәр үлдв.
Татьяна Дмитриева, Хулхачин Николай
