Эндр Росфиннадзорин заллт давжах жилин көдлмшин аш диглв
Эндр Росфиннадзорин танһчин заллтд болсн селвлцәнд давжах жилин көдлмшин аш диглгдв. Росфиннадзорин системд мана танһчин территориальн орган Әрәсәд доладгч ормд йовна гиж сүүрт келгдв. Ведомствин һардач Анатолий Кекеевин келсәр, көдлмшин аш энүнәс сән болхин төләд, прокуратурин, МВД-н болн мөшклһнә заллтин органмудла өөрхн залһлда бәрж көдлх кергтә болжана. Ут-тоодан давжах жилд арвн хойр жува арлснг бюджетн мөнгн бүрткж хәләгдв. Эн туст зака эвдсн йовдлмуд илткгдв. Эн кемжән бүрткж шинжлсн йовдлмудас арвн долан процент тогтав. Федеральн мөнг олзлһна туст кегдсн бүртклһнә ашт хальмг улсин ончта өөнин обьектмудт, тер тоод бичкдүдин больницд, Жемучевин нертә танһчин больницд олзлгдсн мөнгнә тускар уголовн керг күцәгджәнә гиж севлцәнд зәнглгдв. Тер мет ода мөшклһнә көдләчнр Хальмгин университетин тускар бас ирлцнүһ үүлдвр күцәжәнә.
