Эндр Әрәсән премьер-министр Владимир Путин Хальмг танһчин толһач Алексей Орловла харһлт кев. Эврәннь региондан бичкдүдин садын төр шунмһаһар хаһлх кергтә гиж Путин темдглв.

Православн шажна үүлдәчнр ода әрүн текстмуд чеежәр медсн болн мөргүл давулсн деерән, шажнд шүттг улст үлгүр-үзмж болх зөвтә гиж православн әмтн тоолжана. Отец Антоний Зимовец дигтә иим некврлә ирлцжәнә.

Эндр сө Хуучн Шин жил. Жил ирвәс Хуучн Шин жилин байр алдршлт авчана. Ода олн улс эн байриг йоста байр гиж тоолжана.

Одахн Брянск балһснд болсн аюл кесг әмт үүмүлв. Эн туст мана танһчд бас бәәдл сән биш.

Эндр сурһульчнрин цугәрәсән олимпиадын танһчин девснг эклв. Энүнд Хальмг танһчин цуг муниципальн кемжәнә олимпиадын дииләчнр болн призермуд орлцх.

Элст балһсна арһлач Наталья Заруцкаяг нег жил хооран алсн билә. Ода энүнә туск керг зарһд йовулгв. Энүнә тускар эндр Хальмг танһчин мөшклһнә комитетд зәнглв.

Прокуратурин ветеранмуд дунд Илья Аксеновин нер онц темдглж болх. Танһчин прокурорск церглтд һучн шаху жил көдлв.

Январин нег шинд сөөһәр Хар Һазра района аһуд полицин көдләч кү алв гиж харлгдад бәргдв. Ода эн зеткртә йовдлын туск керг мөшклһнә заллтд орулж өггдв.

Әрәсән хуучн школмудыг ясхин төлә федеральн бюджетас мөнгн йилһж өггдв. Эн мөнгәр кергтә ясврин көдлмш кегдв, тер тоод спортын залмуд, дөнцл хорас бас шинрүлгдх.

Мана һарц эфирт һарчасн кемд Әрәсән правительствин ахлач Владимир Путин Хальмг танһчин толһач Алексей Орловла харһлт кежәнә.

Эндр Элст балһснд нарта-делкән марһанд Мингиян Семенов диилвр бәрснд нерәдгдсн пресс-конференц болв. Тюмень балһснд Иван Поддубный нертә Гран-прин дөрлдән болв.

Яшкуль селәнд билгтә седвәрч әмтн олн келн-улсин бииһин баг тогтаһад, бәәрн улсиг билг-эрдмәрн байрлулжана. Хойр сарин эргцд ансамблин ханьд оржах күүкд олн-зүсн талын келн-улсин би дасж авад, үзүлжәнә.

Элст балһснд Дмитрий Шараевин концерт болв. Энүнә төлә байн хальмг келнә болн амн үгин зөөрин шишлнг программ белдгдв.

Хамгин билгтә оютнрт государственн деед сурһуль супер-стипендь өгч чадх. Жилин нег квартaлд эн кемжән һучн минһн арслнг тогтах. Хальмгин государственн университетд иим өөдән стипендь хойр зун көвүд-күүкд авч чадх.

Уйн наста шатрчнр дииләчән йилһв. Элст балһснд шатрин бәәшнгд дошкольникүд болн хотл балһсна школмудын сурһульчнр дунд сән зангшалд тохрсн шин жилин шатрин фестиваль болв. Энүнд тәвн көвүд-күүкд орлцад, дииләчән йилһв.