Шин жилин байрин өдрмүдт Элст балһснд государственн концертн залд Чайковскийн нертә Москван государственн консерваторин болн Римский-Корсаковин нертә Санкт-Петербургин консерваторин көгжмин школмудт сурчах хальмгин сурһульчнрин тооцана концерт болв.

Баснга Баатрин нертә келн-улсин театр ончта өөнән темдглв. Мана ууһн театр далн тавн жил хоорна бүрдәгдсмн.

Ода улсиг көдлмшәр тетклһнә халхар Хальмг танһч Әрәсәд эн халхар хамгин күнд бәәдл тогтсн арвн регион тоод йовна.

Шин жилин байр өөрдж йовна. Балһсна уульнцс болн магазид сәәхн гирляндсарн, олн-зүсн өнгтә шамар кеерүлгдв. Элст Әрәсән талдан балһсмудла әдл шин жилин байрт белдвр кежәнә.

Элст балһсна зун хойр өрк-бүл шин жилин байрт сән белг авв. Хуучн нурад унжах гермүдәс әмт нүүж орулһна Федеральн программар һурвн шин герин патьрмудын түлкүр эдн байрин бәәдлд бәрүлж өггдв.

Шин жилин болн рождествон байрт олн әмтн орлцата һурвн зун обьект көдлх. Энүнд Госпожнадзорин болн түүмр унтралһна церглт өдр-сө уга гилтә көдлх.

Октябрьск района Ик Царнг селәнә цутхлнгд шин больниц секгдх. Больницин шин гериг хойр минһн нәәмдгч жилд эдлврт орулх зура билә. Болв мөнгн ховр болад, тосхлт дав-зуур зогсв.

«Электронн правительство» нертә программ мана танһчд шунмһаһар күцәгджәнә. Эндр Элтс балһснд эн төрәр шишлнг комиссин сүүр болв.

Әрәсән болн талдан орн-нутгин буддистнрин то жил ирвәс өсәд йовна.

Элст балһснд хальмг улсиг цаажла харһулсн өдрт нерәдгдсн ветеранмуд дунд волейбольн болн мини-футбольн нәәмдгч марһан болв. Энүнд арвн хойр команд дииләчән йилһв. Дөрлдәнә дииләчнр болн призермуд дипломсар болн кубокар ачлгдв.

Росстатын зәнглсәр, Хальмг танһчд ода хамгин кимд байрин ширә белдж болх. Үлгүрнь, шин жилд Әрәсәд дундлад, һурвн минһн жирн арслнгар хот-хол белдж болжана.

Эндр догшн салькта өдр болв чигн, нег үлү школмудт үвлин завсрин цаг болв чигн, Элстин хөрдгч школын сурһульчнр эндр хотл балһсна уульнцд һарад, “Шар тасм” нертә керг-үүлдвр күцәв.

Эндр санлын өдр. Дигтә жирн нәәмн жил хооран хальмг улсиг хол киитн Сиврт нүүлһсмн. Тенд арвн һурвн жилдән тесж чадшго, күзүцә зовлнг дааһад, төрскн һазрурн хәрү ирсмн.

Сүл хойр өдр догшн салькн көдлснәс көлтә Хальмг танһчин аһуд зөвәр зеткртә йовдлмуд учрв. Салькна күчн секундт хөрн зурһан метрт күрчәнә.

Цаажлгдсн болв чигн, зовлнгд даргдсн уга. Иим нертә һәәхүлд цаажла харһсн улст нерәдгдсн хальмгин зурачнрин үүдәврмүд болн Чеченск республикин бичкдүдин зургуд үзж болх.