Эн өдрмүдт селәнә эдл-ахун көдләчнр олна малд хот белдж авчана. Эн жилин зунар һан халун болад, өвсн теегт мууһар урһв.

Хальмг танһчин сунһлһна комиссиг кен толһалхнь эндр медгдв. Дәкәд нег тодлад келхлә, июнин хөрн зурһанд хальмгин сунһлһна комиссин шин хань тогтагдла. Энүнд арвн хойр күн орв.

Ик Буурла района цутхлнг селәнд «Хөрн негдгч зун жилин школ» нертә зура күцәх санан бәәнә. Ик Буурлд эрдмин училиш бәәсн герт ясврин көдлмш эн жилин ноябрь сард эклх бәәдлтә.

Давсн нарн өдрәс авн Әрәсәд әрк-чаһр үнтәрв. Урднь өрәл лиитр цаһан әрк йирн нәәмн арслнг күрдг бәәсн болхла. Ода иим әрк зун хөрн тавн арслнг күрхмн. Эннь һурвн евро тогтажана.

Ода Хальмг танһчин олсн өвсн нег минһ һар гектарт урһжана. Энүнә тускар эндр Хальмгин дотр-дундын кергүдин министр Баатр Гиндеев зәнглв. Эн төрәр танһчин антинаркотическ комиссин дарани сүүр болв.

Июлин нег шинәс авн Әрәсән административн заканд сольвр орулгдв. Машиг ода шишлнг бәәрн үлдәх эс гиж зогсах кергтә болжана. Тер мет машина терзиг кемжәнәс икәр харнһдулх зөв уга болв.

Ик Буурла районд әмтн бәәдг гермүд яслһна төлә нәәмн сай арслнг йовулгдхмн. Федеральн программар ода арвн долан герт иим сән ясвр кегдв.

Ода болхла ноха бәрх саната болн нохан кичг хулдж авх саната улст олз-туста сүв-селвг өгх зура бәәнә. Иим керг амр биш.

Июль сарин нег шинәс авн Хальмг Танһчин әмтн электрокүчнә нег киловатд һурвн арслнг арвн һурвн деншг өгх.

“Салют” нертә бичкдүдин лагериг хойр жилин завсрин хөөн Лаганя района администрац секх шиидвр авсмн.

Зунын догшн халунд зәрм улс боодгудт болн һолмудт өөмәд, сергнә. Болв иим кемд зәрм әмтн саг кевәр өөмлго, усн яһж өөмхин зокал мартна. Талдан улс болхла эжго һазрт өөмнә.

Ода эн хурц төр экләд хаһлгджана. Эн өдрмүдт Элст балһснд Ока Иванович Городовиковин бумбд ясврин көдлмш кегджәнә. Дөвн жил хооран алдр дәәчд тәвсн бумб ода хуучрад, әәмшгтә бәәдлд тусв.

Яшкульск районд цергә әнгин бәәдл бәәрн һардачнрин болн селәдин улсиг үүмүлжәнә. Энд әмтн бәәдг гермүдиг кесг жил хооран тосхла. Ода болхла энүг әмтн бәәдг гермүд гиж келж болшго.

Эн жилин июлин нег шинәс авн Элст балһсна әмтн алвна шин цаас авх. Урднь эн төрәр салу цаасн ирдг бәәсмн, тер тоод иим цаасн олн-үзсн бозгт ирдг билә.

Эн жилин эклцәс авн Хальмг Танһчд зун түүмр шатв. Эн туст нурһлж эздүдин гермүдт һал орна. Зунын кемд болхла энүн деер тосхгджах обьектмуд олар шатна.