Пелагея Сидорова Әрәсән Президентас иим йөрәлин бичг түрүн болж авчана. Элстин өөр Аршан поселкд бәәх йирн тавн наста Пелагея Нарановна иим зәнгд ик гидгәр байрлв.

Краснодарск крайд ик зовлнгд туссн улст Әрәсән цуг әмтн арһ-чидләрн нөкд болжана. Хальмг танһчин улс бас энүнд эврә тәвцән орулжана.

Элст балһснас жирн дуунад, Ремонтное селәнә өөр бәәх нег толһад археологуд . Иим бумб урднь евразийск теегт уга бәәсмн. Энд ик кезәнк күүнә оршавр олдгдв.

Элст балһсна Колонск боодгт бичкдүдлә зерг сокту улс олар ирж амрна. Сүл долан хонгт соктуһар уснд орад өөмжәсн дөрвн күн харсж авгдв.

Тер саамд гуманитарн дөн цаарандан цуглугджана. Дәкәд нег тодлад келхлә, Элст балһснд региональн штаб көдлжәнә. Энүнә пунктумд танһчин цуг райодт бәәнә. Эдн улст социальн дөн күрглһнә цутхлнгудын улд үүлджәнә.

Эндр өдрәс авн һурвн процентин комиссионн мөнг “Сбербанк” авчахш. Краснодарск крайд усна аюлд түрсн улст Хальмг танһчин әмтн мөнг йовулсн цагт иим мөнгн хасгдж авгддг билә.

Элст-Майкоп хоорнд болжах Торһн зам нертә нарта-делкән: товчлгч тавдгч девснг мана танһчин хотл балһснас һарч йовв.

Йирн негн наста төрскән харсгч дәәнә ветеран Богла Убушиевин нерн чолунд монкинд бичәтә. Баһ Дөрвдә района зурюан посеклин бәәрн улс бумб тосхад, энүнд төрскән харссн Зурһана улсин нер бичв.

Дошкольн учрежденьст ямаран ясврин көдмлш кегдсиг межведомсвтенн комиссь бүрткж хәләх. Элст балһсна зәрм садмудт ясврин көдлмш төгсв, талдан учрежденьст болхла иим көдлмш кех зура бәәнә.

Краснодарск крайд учрсн ик аюлд түрсн улст Әрәсән премьер-министр Дмитрий Медведев эврәннь мөнгән йовулв. Барин церглтин сегләтр Наталья Тимакова эн зәнгиг лав гиж батлв.

Әрәсән президентин йөрәлин бичг Хальмг танһчин арвн нәәмн күн авх. Йирн нас зүүсн дәәнә болн күч-көлснә ветеранмудт иим бичг бәрүлж өггддх.

Элст балһснд Торһн зам нертә нарта-делкән ралли-рейдын дөрвдгч девснг эклв. Энүнә өмн болсн Хазарские степи нертә һурвдгч девснгд Францин Кристина Лавьелл болн Паскаль Ларокк залсн экипаж диилвр бәрв.

Баһ Дөрвдә района хол селәдин хоорнд хату десвкртә хаалһ уга болснас көлтә бәәрн әмтн зовлн үзжәнә. Эн туст Зурһан поселкин әмтн ик түрү бәәдлд тусв.

Давсн сөөһәр Элст балһснас Крымск балһснд түрүн гуманитарн дөн йовулгдв. Ода нег сай арслнга нәәмн тонн хот-хол болн талдан чигн эд-тавр хаалһд йовна.

Эндр Хальмг танһчар ФСБ-н заллт бүрдәгдснә йирн жилин өөн темдглгджәнә. Байрин хургин йовудт эн церглтин нүүрлгч көдләчнрт болн ветеранмудт күндлһнә һашгуд болн ачлврмуд бәрүлж өггдх.