Яшкульск районд цергә әнгин бәәдл бәәрн һардачнрин болн селәдин улсиг үүмүлжәнә

Яшкульск районд цергә әнгин бәәдл бәәрн һардачнрин болн селәдин улсиг үүмүлжәнә. Энд әмтн бәәдг гермүдиг кесг жил хооран тосхла. Ода болхла энүг әмтн бәәдг гермүд гиж келж болшго. Эдниг ядг арһ уга болв. Иим зөөр эврәннь медлд авсн ведомств эн хурц төриг хаһлхар адһжахш.

Хойр минһн арвн негдч жилин Февраль сард Азов балсһнас капитан цолта Вячеслав Шаповалов цергә даалһврар күцәхәр Яшкуль селәнүр ирсн билә. Яшкуль селәнд энүнд һазрт гер өгсн билә. Болв герән үзссн хөөн йир алн болв. Гер дотр уудг ус, көк түлә, уборн уга.

Вячеслав Шаповаловин келсәр уудг усан өөр бәәх гермүдәс сурад хот чаннав. Эврәннь өрк бүлән нааран авч ирхәр седләв болв тиим герт эдн бәәж чадшго гиж эн күн зовлнгарн хувалцв.

Түрүн авгтан энүнд ясвр кехәр седләв, сул цаг уга болад тегәд ясврин көдлмшән эклсн угав. Йилһж өггдсн герт ясвр эврәннь мөнгәр кеж болшго. Эн ясвриг мунициапльн бүрдәцин бюджетас кех зовтә. Специалистнрин ухан тоолврар, эндр өдр цергә улсин гер әмтнд керго болжана. Энүнд сүл цагт ясвр кегджәхш. Эндр эн хуучн эжго гермүд нурн гижәнә дәкәд болхла энд аля әмтн хурдг бәәдл Яшкульск района муниципальн бүрдәцин ахлачнриг үүмүлжәнә.

Эн гермүдигш района болн селәнә администрац эврәннь медлдән автн гиж бидн төр босхдг биләвидн гиж Яшкульск раона архитектурн әнгин ахлач Юрий Цохорев келв.

Әрәсән премьер министр Дмитрий Медведев Петровский цергчнрин балһснд болсн селвцәнд тавн өдрин эргцд ведомственн медлд бәәх гермүдиг муниципалитетин үлмәд орулсн тускар тавн өдрин эргцд хәрүһинь белтн гиж неквр тәвв.

Босхжах төрин туст хәрү авхин төлә манна зәнгллһнә баг Әәдрхн балһсна ПВО-н полкин һардврт сурвр тәвб, теднә келсәр цергин реформин ашар эн гермүд ростовский өлг-эдин департаментд орсмн. Ашлад келхлә, ода деерән цергчнр хуучн нуурад унжах гермүдт бәәршлжәнә.

Надежда Азыдова, Котинов Валерий