Элст балһсна әмтн коммунальн церглт мууһар көдлснәс көлтә ик зовлнг үзжәнә. Усна сурвлжна болн канализацин турвас хаһрна, герин ораһар дусал дусна. Иим йовдл өдр болһн гилтә учрна.

Хальмг танһчин баһ наста спортсменмүд каратэ эв-арһар бөк бәрлдлһнә марһанд орлцад, сән үзмж бәрв.

“Маши залач, болһамжтаһар йов!” Иим нертә керг-үүлдвр эндр Элст балһснд болжана. Энүг бүрдәсн Элстин мэрийн болн ГИБДД-н элчнр хотл балһсна маршрутн автобусмудыг сүл зогсалднь тосад, жолачнрла цәәлһврин күүндвр кев.

Зунын кемд олн-зүсн темсн болн зер-земш болна. Ода нурһлж иим хот-хол олн әмтн олзлна. Болв һан-халунд үрсн продуктар хордх әәмшг бәәнә. Халун өдрмүдт зәрм продукц ахр болзгт үрж одна.

Эн өдрмүдт Хальмг танһчин аһуд догшн һан халун өдрмүд болжана. Аһарин дулана кемжән дөчн һурвн градуст күрчәнә. Иим цагт олн әмтн халунас зулад, тенгс тал һарч йовхар зүткнә.

Хальмг улс ик кезәнәс авн уул авьяс зангшлан бәрдг бәәсмн. Зуг өдгә цагт дорас өсж йовх баһчуд өвкнриннь цецн уха, уул авг-бәрц бәрлго, хажһр йовдл һарһна.

Эндр өдрт баһ теткрвтә өрк-бүлмүдин хөрн бичкдүд школд кергтә портфель, канцелярск эд-тавр авв. Удл уга дәкәд арвн негн көвүд-күүкд иим белг авх зөвтә.

Хальмг танһчд бруцеллез гемәр гемтжәх улсин то Әрәсән кемжәнәс дөчн холванд ик болжана. Иим то-диг урдк жилмүдт кегдсмн. Эн жил болхла әмтн болн мал иим гемәр олар гемтх гиж специалистнр зәнглжәнә.

Хальмг танһчин тохма мал өскдг хамгин ик эдл-ахус федеральн зөөрәс һарад, танһчин медлд оржана. Эн зәнг фермермүд дунд дарунь тархагдв. Йирдгч жилмүдт зәрм һазр федеральн медлд орж.

Хальмг танһчин ууһн артистк болн билгтә дууч Улан Лиджиева эн жил зун нас зүүх бәәсмн. Киитн хол Сиврт хальмгуд Улан Барбаевнан дуулсн ду сонсчкад, у-өргн теегтән күрсн мет болв.

Хальмг кел делгрүлһнә туск төриг Лаганск районд өвәрц кевәр хаһлжана. Энд Хальмгаһар келтн нертә клуб тогтагдж көдлжәнә. Клубд района күн болһн ирәд, төрскн келән дасж чадх.

Эн өдрмүдт цуг мана орн-нутгар делгрлт авчах дамшлтын түрүн девснг төгсжәнә. Ода Әрәсән номтнр болн дамшлтын үүлдәчнр селекционн шунмһа хәәврт бәәнә.

Элст балһсна прокуратурин зәнглсәр, Москва-Элст хоорнд йовдг автобусмудын билетин үн зака эвдж өсв. Дәкәд нег тодлад келхлә, июлин нег шинәс авн Москваһас Элст балһснд күрдг билет һурвн зун арслнгд үнтәрв.

Хальмг танһчд царцахала ноолда келһн нег минһн зун һучн зурһан минһн гектарт кегдв. Ода эн хортн альдарн нисжәхин тускар шинжлт нотмтнр кежәнә. Те царцахаг хордлһна көдлмш цаарандан кегджәнә.

Нег минһн нәәмн зун арвн хойрдгч жилин төрскән харсгч дәәнд Әрәсә диилвр бәрснә хойр зун жилин өөнд белдвр келһнә бүрдәмжин комитетин сүүр Хальмгин правительствд болв.