Июль сарин нег шинәс авн Хальмг Танһчд электрокүчнә, газин болн коммунальн туслжмин кемжән өсв
Июль сарин нег шинәс авн Хальмг Танһчин әмтн электрокүчнә нег киловатд һурвн арслнг арвн һурвн деншг өгх. Тер мет газин тариф арвн тавн процентд өсәд, ода нег кубическ метртнь долан зун жирн арслнг тогтажана. Усна болн дулана кемжән болхла зурһан процентд икдв. Тер мет дула олзлсна, усар тетклһнә бол хог-бог зөөж авлһна мөнгнә кемжән июлин нег шинд болн сентябрин нег шинд бас икдх. Июлин нег шинәс авн им өслт зурһан процентд икдх, сентябрин нег шинәс болхла, иим тарифмуд ирлцнһү дараһар арвн, арвн негн болн зурһан дундур процентд икдх. Энүнә тускар эндр тарифмудын төрәр үүлджәх региональн церглтин һардач Эрдни Бадмаев зәнглв. Энүнә келсәр, хойр дәкж кегдх өслт әмтнд ик түрү үүдәшго. Дәкәд нег тодлад келхлә, газин, усна, дула олзлһна болн электрокүчнә кемжә икдүлһн регионмудын йосна медлд бәәнә.
