Зунын кемд олн әмтн дачдан одад, көдләд, сул цаган олз-тустаһар давулна. Цевр аһар кииләд, һаза көдләд, седклән амрана. Болв дачд күрхд халун кемд амр биш.

Ода Элст балһснд цуг Әрәсәлә әдл автомобильмудын терз харнһулдг йовдлмудла ноолдан кегджәнә. Тонировк кесн улс шин закаһар ик ялд унхмн. Иим закан долан хонг хооран Әрәсәд батлж авгдсмн.

Тер саамд уснд авлгдсн Геленджик балһснас санатормудт амрчасн хальмгин бичкдүд гер талан хәрж ирв. Эднә келсәр, тенд амрлһна өдрмүдән сәәнәр давулж.

Краснодарск крайд аюлла харһсн улст гуманитарн дөн цуглугджана. Элст балһснд региональн штаб бүрдәгдв. Энүнә пунктмуд танһчин цуг райодт көдлжәнә. Ода эдн әмтнд дөн күрглһнә цутхлнгудын улд үүлджәнә.

Лаганск районд заһсчнрин сән өдр темдглв. Эн эрдмәр бәәрн әмтн олн жилмүдин эргцд көдлж йовна. Байрин керг-үүлдврмүд өрүн эрт эклсн билә.

Ода Баһ Дөрвдә района Зурһан селәнә улс зөөврин ус хулдж авчана. Иим күнд бәәдл яһад энд тогтсмн. Энүнә тускар мана сюжетас медж болх.

Хальмг танһч Краснодарск крайд аюлд харһсн улст гуманитарн дөн күргх. Эндр Хальмг танһчин толюач Алексей Орлов эн төрәр бачм чинртә селвлцә кев.

Кубаньд болсн аюлын ашт әмнәсн хаһцсн улсин санл тодлхин төлә эндр Әрәсәд һашудлһна өдр гиж зарлгдв. Красндарск крайод усна аюлас көлтә зун далвн күн әмнәсн хаһцв.

Июль сарин нәәмнд мана орн-нутгт өрк-бүлин, дурна болн итклин өдр темдглгдхмн. Эн өдрин өмн өргнд мана танһчин Лагань районд заһсчин өдр болхмн.Олн әмтн күләжәсн «Новый Человек-паук»нертә фильм кинотеатрмудт үзж болх.

Октябрьск района бәәрн әмтн хойр долан хонгтан му чинртә ус уужав.

2007-гч жиләс авн Хальмг танһчин арвн минһн өрк-бүл экин мөнгнә сертификат авсн бәәнә. Эн жилин эклцәс авн хойрдгч болн һурвдгч үрән һарһсн йисн зун экнр сертификатан авв.

Эн өдрмүдт хальмг танһчд царцаха хорлһна көдлмш кегджәнә. Танһчин дорд үзгин райодт иим хортн ода дегд олн. Нег үлү, царцаха нисәд, улм ик әәмшгтә болв.

Әрәсәд дөрвдгч классин буудян үн өсв. Ода Хар тенгсин портмудт эн хот-хоолын нег тонн йисн минһн арслнг күрчәнә.

Артезиан — Әәдрхн хоорнд санлын поезд йовх гиж зуралгджана.

Хальмг танчһд удл уга электронн правительствин дөнгәр олн-зүсн документ һарж авч болх.Электронн эв-арһар государственн туслмж өгхин төлә нәрн техник кергтә гиж чиновникүд келнә.