Эндр эрүл-мендин делгрлтд нерәдгдсн межрегиональн номин болн дамшлтин конференц көдлмшән төгсәжәнә. Хальмг Танһчин медицинск ниицән эн өдрмүдт харһад, өргн күүндвр тогтасн билә.

Зунын амрллһна кем йир әәмшгтә кем. Һан халун өдрмүдт маши залсн улсин эрүл менднь му болна. Дәкәд болхла эн цагла халлһд учрсн зеткртә йовдлмудын то икгднә.

Цаглань орс келәр ЕГЭ-н шүүврән эс өгч чадсн уга сурһульчнр эндр өдр өгсн билә. Ашлад келхлә бүкл Әрәсәд эн өдрмүдт шүүвр өглһнә кем төгссв.

Эндр Әрәсәд болн хальмгин университетд приемн комиссь көдлмшән эклв. Эн жил танһчин деед сурһульд орхар седжәх улст паспорт болн диплом кергтә.

Сүл цагт хальмг танһчин әмтн өвкнриннь һазр-ус тәклһнә хуучн авьяс күцәгддг болв. Иим зангшал мана келн-улсин сойлын ик чинртә халх болжана. Иим кевәр хальмг улсин уул авьяс-зангшал сергәж босхгджана.

Эн өдрмүдт Әрәсән өмн үзгин регионмудт царцаха ик әәмшг учражахас көлтә бачм чинртә бәәдл зарлгдв. Эн өдрмүдт хортнла ноолдан кегджәнә. Болв мөнгн күрглго әмтн эврә арһарн царцахала ноолда кежәнә.

Эн өдрмүдт Хальмг Танһчд хур элвгәр орсна хөөн олн әмтн бәәх гермүдин ора нурад унад, дусал дусв.

Эндр өдр Хальмгин Толһач Алексей Орлов Әрәсән федеральн усна ресурсмудын ахлач Марина Селиверствла харһад күүндв.

Давсн долан хонгин өдрмүдт школан төгсәх көвүд күүкд географин, литературар, орс келәр болн эсв предметмүдәр ЕГЭ-н сүл шүүврән өгсн билә.

Хальмгин Ик сурһульд йилһән сәәнәр сурһулян сурсн оютнриг йөрәв. Эднә тоод 6З күн эн жилд Ик сурһулян чиләжәнә.

Эндр өдр балһсна бәәрн әмтн һанцхн Колонск боодг заһсн бәрж чаджана. Болв эн жиләс авн мәрийн батлсн шиидврәр энүнд зарһс бәрж болшго.

Санитарн кергтә цаасн угаһар һахан мах хулдсн 5 йовдл харһв. Эн тускар эн өдрмүдт Роспотребнадзорин әнгин специалистнр бүртлһнә көдлмшән давулсн билә.

Хальмгин Ик сурһульд йилһән сәәнәр сурһулян сурсн оютнриг йөрәв. Эднә тоод 6З күн эн жилд Ик сурһулян чиләжәнә.

Троицкое селәнә Басан Гороводиковин нер зүүжәх гимназин уул деер бүрдәгдсн бичкдүдин амрллһна лагерьт гиичнрин делегац ирсн билә. Эндр өдр эн лагерьт 10З көвүд күүкд амрчана.

Эн өдрмүдт догшн һан — халун болсна ашт тәрән хасгчана, олна малд үвлд күрх хот малчнр белдж авшго. Урһц хагснас көлтә Хальмг Танһчд бачм бәәдл зарлгдв.