Июнь сарин нег шинәс авн Москва-Элиста хойр балһсна хоорнд йовдг автобусмудын билетин үнн һурвн зун арслнгт өсв. «Российские автобусные линии» нерәдлһтә компанин арһачнрин нилчәр билетин үнн өссн билә.

Мана танһчд билгтә-эрдмтә баһчуд олн. Школдан сурчаһад көгжмин сурһулин заведеньд авсн билгән баһчуд цааранднь гүүдүләд седклдән тааста эрдмәрн гүн медрл авхин төләд деед сурһульд сурцхана.

Сурһулин шин жил эклхлә Көтчнрә района Сарпа селәнә бичкдүд школд орх аль угай? Эндр өдр эн сурвр бәәрн улсиг үүмүлжәнә. Мөнгн уга болад тосхлтын көдлмш зогсв.

Цусан өгәд, талдан улст нөкд болв. Эндр донорин нарта-делкән өдр. Эн сән өдрин программар Элст балһсна цутхлнг талвнгд цус авлһна мобильн пунтк көдлжәнә.

ГИБДД-н көдләчнр Элстин хаалһд һарад “Автобус” нерәдлһтә профилактическ рейд давулв. Өдр болһн маши жолачнр хаалһин зокал эвдәд эврә дурарн машиһән зална. Энүнә ашт хаалһд зеткртә йовдл икгднә.

Амрллһна өдрмүдт диилврин талвнгд чидлтә улсин хоорнд «Медведь-2012» нертә балһсна секәтә спортивн фестиваль давв. Эн фестивальд залу улсла әдл күүкд орлцад чидлән үзүләд марһлдсн билә.

Июнь сарин арвн хойрт Әрәсән байрин өдрлә Элстд Хальмг Танһчин дотр -дундын кергүдин министерствд 14 нас күрсн 22 көвүд күүкдт паспорт бәрүлж өгв.

Эн жиләс авн олн үр һарһсн экнриг “Родительская слава” нертә медаляр ачлх, тиим закан Әрәсән Президент Владимир Путин батлсн билә.

Эндр школан төгсжәх сурһульчнр эсвин обшествознанин болн физикин предметмүдәр ЕГЭ-н шүүвр өгв. Шүүвр 10 часла эклв. Эн хойр кичәләр өгсн шүүврин ашлгч темдгүд ик болн дунд сурһульд орх кергтә болх.

Элстд түрүн болж дәәлдлһнә искуссвин спартакиад болхмн. hол стадионд зергләд зурһан зүсн дәәлдлһнә искуссвин элчнр марһлдх.

Пальмовин нертә музейин көдләчнр бичкдүдин садмудын көвүд-күүкдин төлә шин наад тәвв. Эн нааднд музейн көдләчнр хуучн цага болн өдгә цагин наадһас олзлад тетрализован нәр үзүлв.

Цуг нарт-делкәд «Эк болн нилх» нерәдлһтә долан хонгин өдрмүд давжана. Эн өдрмүдт һарсн нилхдүдән көкин үсәр асртн гисн дуудвр баахн наста экнрт өггджәнә.

Эн жилд Көтчнрә района Сарпа нертә эдл ахун малчнр зурһан минһн тонн өвс белдж авхар зуралгджана. Сүл жилмүдт хулдж авсн шин техник өвс белдж авлһнд дөн болжана.

Зунын амрллһна өдрмүд эклсн билә. Танһчин бичкдүд школмудын ул деер бүрдәгдсн лагерьмүдт одад цаган соньн кевәр давулжана.

Эн жилд хальмгин прокуратур 90 жилин өөнән темдглжәнә. Байрин өмн өргнд кесг жилдән эн ведомствд көдлсн нертә прокурор Владимир Шипиевд өөнин медаль бәрүлж өгв.