Социальн көдләчнр көгшдүдт дөн болсн деерән, эднә өөрхн улс болж, өрк-бүлиннь йоста гешүд болж тоолгдна.

Анапа балһснд болсн 16-гч Әрәсән өмн үзгин парламентск ассоциацин конференц эврәннь көдлмшән төгсәв.

Эндр бүкл Танһчар хойр һар минһн сурһульчнр эсвин ЕГЭ-н шүүвр өгчәнә. Эсвин болн орс келнә предметмүд ик сурһульд орх кергтә болх. Эсвин шүүвр эндр арвн часас авн эклв.

Художественн гимнаст Алина Макаренко болн греко-римск бәрлдәнә Әрәсән чемпион Мингиян Семенов Лондон балсһнд болх Олимпиадт орлцх гисн иткл бәәнә.

Эндр өдр Элстд көвүд күүкдин зөв йос харлһна болн насни дигт күрәд уга комиссин то дигт 70 социальн әәмшгтә өрк бүлмүд зогсчана.

Эндр өдр мана Танһчд 2З7 шалзар зуусн әмтн бәәнә. Эднәс һурвнь крымск геморагическ безг гемәр гемтчәнә.

Элст балһсна 14 тойгта бичкдүдин садын бичкдүд сурһмжлачнрла хамдан «Үр Сарин» байрин өдрмүдт нерәдж концерт давулв. Концертин йовудт бичкдүд дассн ду бииһән ирсн гиичнрт болн эк эцкнрт тусхав.

Зунын амрллһна өдрмүдт танһчин хойр минһн көвүд күүкд көдлмшәр теткгдв. Эн туст эднд танһчин бюджетас хойр һар сай арслн йилһгдж өггдсн билә.

Көтчнрә района “Сарпа” нертә СПК-д селекционн эв — арһар тохма хөд өскнә. Эн цагин эргдцд эдл-ахусин көдләчнр дамшлта болсн деерән, талдан эдл ахусмудта бооца батлад көдлмшән цааранднь давулжана.

Танһчин тәрәчнр царцахала ноолда кежәнә. Эн өдрмүдт царцаха зун жирн тавн минһн гертарин һазрин аһуд бәәршләд тәрсн тәрәнд харшан күргжәнә гиж Танһчин эдл-ахун министерствин специалистнр келж өгв.

Шидр Хальмг Танһчин делегац Тольятти балһсна 275-гч өөнд нерәдгдсн байрин керг үүлдврт орлцв. Нүүдлин йосар бәәсн мана өвкнр урдк жилмүдт дигтә эн һазрт бәәсмн.

Хальмг Танһчин хуралын медлд бәәх баһчудын палатын элчнр түрүн селвцәһән Яшкуль селәнд давулв. Баһчудын палатын элчнр Яшкульск района баһчудла һарһж кесг төрмүдин тускар күүндв.

Эндр өдрәс авн Танһчин цуг сурһулин заведеньст зун тәвн йисн лагерьмүд көдлмшән эклв. Эрүл -мендт тусан күргд нәәмн лагерьмүд Танһчин райодар көдлх.

Зөв йос органмудын көдләчнрин дунд цуг Әрәсән мини-футболын марһанд Хальмг Танһчас “Динамо” команд орлцх. Ашлгч марһан давсн амрллһна өдрмүдт “Уралан” стадионд давв.Эврәннь командан Әәдрхн областяс ирсн баһчуд күчтә кевәр дөөнв.

Элст балһснд «Инглтин» паркт түрүн болж нохасин һәәхүл болв. Эн керг-үүлдвр бүрдәсн улсин зәнглсәр, эн нәр йир соньн болв. Күн болһн энүнд өвәрц костюмта болн самларта нохасиг үзж чадв.