24 сентября 2012, 15:05
Элст балсһна Хомутниковин нертә уульнцин герт ора нурж
Элст балсһна Хомутниковин нертә уульнцин зун арвн хойрдгч а герт ора нурж. Нег сәнь күн шавтж, әмнәсн хаһцсн уга. Ода герин ора цаарандан нурад унжана. Эн патьрт олн үртә күүкд күн бәәршлжәнә. Светлана Самойлован келсәр, хойр минһн арвн негдгч жилд эн гериг хамхлх зөвтә билә. Хойр минһн доладгч жилин декабрин хөрн доланд батлж авсн Элст балсһна хургин шиивдрәр, эн гер нурад унжах гер гиж шиидгдлә. Болв сар болһн герт ясвр кехин төлә эднәс тавн зун арслнг хураж авна. Ясвр яһад эс кежәхмб гисн сурврт, гер удл уга хамхлад, уга кегдх гиж һардачнр бәәрн улст хәрү өгнә. Ода герин эрсн шуурчана, хур орсн кемд подьездд цандг хурна. Ода деерән Светлана Самойлова күүкдтә хот кехин төлә күүхньд орхасн әәжәнә.
