Яшалтан района нег селәнд сойлын гериг эрк биш ясх кергтә
Селән өдгә цапгт сойлын гер уга бәәж чадшго. Яшалтан района Эсто-Алтай селәнә әмтн арһ-чидләрн эврәннь селәнә сойлын герән хәләж харжана. Ода эн гер хуучрад нурад унжана. Тер бийнь селәнә әмтн энүг дурлж, асхн болһн нааран ирнә.
Яшалтан района Эсто-Алтай селәнә бәәрн улсмин толврар, селәг шинәс босхж авлһна керг тас күцгдшго төр гиж тоолна. Эднд дөн күргдг күн уга болжана. Ода болхла селәнд хаһлх төрмүд дала. Эсто-Алтай селәнә больницин эмч Шамиль Газаевин келсәр, ода эн герт гемтә улсиг хәләхд әәмшгтә болв. Юнгад гихлә, сүл дәкж энд ясврин көдлмш ик кезәнәс авн кегдәд уга. Ода герин ора эвдрәд. унжана, пол хуучрад эвдрж одв, эрсн шуурад унжана. Болв хамгин хурц төрнь — энд бачм чинртә дөн күргдг машин уга болжана.
Шамиль Газаевин келсәр, иим маши авх эрлһн Хальмг танһчин эрүл-менд харлһна министетствд кесг жилдән кевтнә. Тегәд ода арһ уга күнд гемтә күүг больницд күрхин төлә маши хәәх кергтә болна.
Эннь болхла селәнә улс асхнднь харһдг ор һанцхн сойлын гер болжана. Энүнә директор Татьяна Гапотченко келсәр, ода Эсто-Алтай селәнд хөрн келн-улсин элчнр бәәошлжәнә. Хойр жил хооран эднә клуб хамгин сән сойлын зеведень гисн танһчин һол мөрә шүүж авсмн. Эннь бәәрн селәнә улсин нилчәр шүүгдж авгдв. Нег минһн жирн хойрдгч жилд бәрдгдсн хууч шин гер ода күртлд хольврад унсн гад селәнә әмтнә нилч бәәнә. Татьяна Семеновна келсәр, сүл жилмүдт ясврин төлә тас мөнгн йилһж өггджәхш, ода болхла энд эрк биш ясвр көдлмш кех кергтә. Эсто-Алтай селәнә сойлын герин директор Татьяна Гапотченко келсәр, селәнә әмтн олар байрт ирнә. Болв энд сән таал уга, пол хуучрад эвдрв, Хальмг танһчин правительств дөн бох зөвтә.
Ода селән һазрт шин көдлмшч орм бүрдәгдх зөвтә, инфраструктур бүрдәгдх төр тәвгджәнә, энд көдлжәх әмтн сән жавл авх зөвтә. Эсто-Алтай селәнә администрацин толһач келсәр, харм төрхд, селәнә һазрин аһуд тас күүнд керг уга болж һарчана. Дөрвн жил хооран селәнә делгрлтин федеральн программд Эсто-Алтай селән бас орсмн. Тиигхд усар тетклһнә төлә хөрн негн сай арслнг йилһж өггдв, эднәс арвн нәәмн сай арслнг федеральн бюджетас ирв.
Хойр зун далн долан минһн арслнг мөнгн района муниципальн бүрдәц өгв, һурвн дундур сай арслнг мана танһчин хазн ийлһж өгв. Болв ода күртл селәнә муниципальн бүрдәцд эн обьект өггдәд уга болжана. Юнгад гихлә, танчһин хазнас нег сай долан минһн арслнг ирсн уга. Тегәд селәнә төрмүдиг агропромышленн комплексин делгрлт харсж авч чадшго. Ода селәнә улс зуг эврәннь чидлән нәәлх зөвтә.
Гольдина Ирина, Очра Сергей
