Элст балһсна Чонкушовин нертә көгжмин училишд епископ Зиновий оютнрла харһв
Элст балһсна Чонкушовин нертә көгжмин училишд түрүн болж епископ Зиновий оютнрла харһв. Христиан улсин сойл болн көгжмин искусств — гисн төрәр күүнвдр тогтв. Энүнд баһчуд кесг шин болн соньн тоот бийдән шингәв.
Элстин искусствин училишин заведеньд Элстин болн Хальмгин епископ Зиновий хамгин түрүн болж иржәнә. Эн сурһулин заведеньд орхин төлә баһчуд бийән сәәнәр белдх зөвтә. Епископ Зиновий баһчудт көгжмин солйын тускар келж өгв, иим эрдм цаһан седклтә чеежин сергмж эврәннь өвәрц эв-арһар кегс улст сергәж босхна. Эннь мана өдр-бүүрин цагт келдг хоосн үг биш, эннь көгжмин әәд шингәсн өвәрц ә болжана. Отец Зиновийн темдглсәр, иим өвәрц ә олн оютнриг нааран дуудв. Хальмгин болн Элстин епископ Зиновимйн келсәр, бидн цугтан талдан улст цуг сән тоотыг үзх зөвтәвидн. Улсин чеежин цаһан седкл цевр чееж болв гиж келх кергтә. Иим чеежтә әмтн көгжмин айст бас дурт болна.
Бичкдүд болһна седклд эврә күцх күцл бәәнә, иим көвүд-күүкд көгжмин ке-сәәхниг медсн деерән, энүг үүдәх зөвтә. Иим баһчуд көгжмин училишин ул батрулх зөвтә. Германя орн-нутгт шишлнг даалһврар кесн өргн хууриг отец Зиновин училишд белглв. Эн зевсгәр түрүн болж хойрдгч курсын оютн Мария Кулакова наадж чадв. Ода эн билгтә күүкн ода оркестрин әнгд сурчана. Иргчдән эврәннь бәәдл-жирһлин хаалһан эрк биш көгжмд нерәдх зурата. Энүнә хөөн консерваторьт орд сурх саната.
Мария Кулакован келсәр, иим көгжмин зевсг йир сән. Отец Зиновий энүнд эврәннь сән болн цаһан седлән орулв гиж медгднә. Көгжм мана иргчин эрдм, иим эрдмиг хоосн угәр медүлж болшго.
Православн шажна көгжмлә таньлдухин төләд, баһчудт Церковь и мир нертә телеүзүлврин сонсхвр үзүлв. иим сонсхвр “Россия 24” нертә телеканалын эфирт оньдин һарна. Игорь Джимбеевин келсәр, иим харһлт олз-туста болв. Ода баһчуд классическ көгжм баһар сонсна. Иим көгжм сонсхла, гүн ухан толһад орж, тунһах саам учрна. Иим концерт танһчин цуг сурһулин заведеньд кегдсн болхла сән болх билә.
Бидн цугтан сән иргчд зөрх зөвтәвидн гисн уна иим харһлт өгнә. Бидн цугтан оюни болн талдан чигн халхар сән күцәмж бәрх зөвтәвидн.
Баһчудын шагшавдын сурһмж зуг оюни халхар кегдх зөв уга. Эн туст искусств бас эврә тәвцән орулх зөвтә. Тегәд эн халхар бидн цугтан чидлән негдүлж көдлх зөвтәвидн.
Ээнән Делгр, Котина Валерий
