Хол һазрас ирсн номтнр Хальмгин теегин урһмл шинжлжәнә
Нарта-делкән хамгин сән гисн университетмудын номтнр Элст балһснд ирв. Хальмг танһчин аһуд давста һазр болн урмһл шинжлж хәләхин төлә Европин, Азин болн США-н специалистнр Хальмг танһчд ирсмн. Энүнә хөөн давста һазриг яһж олз-тустаһар олзлхин тускар эдн олн-зүсн селвгүд белдж өгхмн. Тер мет мал асрхин төлә малд олз-туста витамин бәәх олн-зүсн ноһа эд-бод кех эв-арһ эдн олж авх зөвтә. Иим хорта өвс номтнр түрүн болж үзснь өвәрц болв. США-һас ирсн профессор Эрика Эдвардсин цәәлһсәр, эднә һазрт иим урһмл тас уга. Тегәд чигн хол һазрас ирсн гиичнр теегт кесгтән йовж урһмл шинжлв. Тер мет һазадын ордудын специалистнр солерос урһмлар икәр соньмсв. Эн ноһан давста һазрт урһна. Францд болхла энүг шишлнг кеәвр урһаж авад, хот-хоолд немнә. Ноһан болһиг талын номтнр ик оньган өгч шинжлцхәв.
