Бичкдүдин үүдәлтин цутхлн эврәннь 20 жилин ончта өөнән темглв
Эн өдрмүдт бичкдүдин үүдәлтин цутхлн эврәннь 20 жилин ончта өөнән темглв. Эн цутхлнгд көвүд-күүкд номин, сойлын болн спортын халхар эврәннь билг-эрдмән делгрүлж йовна. Тогтсн авьясар цутхлүгин заалмудт кесг керг-үүлдврмүд давулгдна.
Бииһин эрдм дасхин өмн бичкдүд кесгтән цогц-махмудан белдж, тамрулна, станокин өөр тохнятаһар көдлнә. Түрүн авгтан көвүд-күүкд энүг хоосн наадн гиж санна, хөөннь иим көдлмш йир күнд гиж медгднә. Эрдмиг сәәнәр дасж авхин төлә бийән әрвлх керг уга болжана. Иим дасхл эдн бөдүн әмтн өгчәнә. Бичкдүдин үүдәлтин бәәшнгд Виктория Павловна Солодкая бичкн көвүд-күүкдин бииһин студь һарджана. Дарани кичәлиг энүнә сурһульчнр тенкән уга гидгәр күләдг болв. Хойрдгч классин сурһульч Диляра Очирова нааран һурвн жил дарандан иржәнә. Диляра Очирован келсәр, сәәнәр биилдг эрдм дасхар нааран ирж.
Энүнә эцкнь күүкән дөннжәнә. Бииһин эрдм йир дала сән тоот өгнә гиж тоолжана. Энүнә эцк Чингис Очировин келсәр, бичкдүдин садас авн нааран студьт иржәнә. Иим эрдм күүкнднь таасгдна. Энүнә күцәмж ик байр үүдәнә. Ода сәәнәр биилжәнә. Нег үлү, баһар гемндг болв.
Өсхләрн эдн цугтан биич болшго, тер бийнь оданас авн эдн эврә дурта эрдмән йилһж авчана. Тавн наста Баир минь одахн бииһин студьт ирв. Ода болхла эврәннь түрүн концертдан белдвр кежәнә. Лиза күүкн болхла иим сценд бииләд дасчкв. Эдн цугтан бичкдүдин үүдәлтин бәәшнгин хөрн жилин өөнд нерәдгдсн концертд орлцла. Ода эн учреждениг уйн наста бичкн элстихн икәр дурлж, энд олн-зүсн эрдм дасчана. Энд көдлжәх секцсин болн кружокмудын орлцачнр соньн һәәхүл белдв. Энүнд урн һарар кесн соньн кегдлмүд тәвгдв. Оникован келсәр, келн-улсин эрдмин мастерскойд көдлжәнә. Эн цагин эргцд сән эрдм дасж. Ода хатхмр кедг дасж, олн-зүсн кегдл кенә. Ода эврәннь һарарн кесн кегдлмүдиг элгн-садндан белглжәнә.
Бәәшнгин өөнин байрин керг-үүлдврмүдин йовудт көвүд-күүкд нег-негән сәәнәр медж авв, бәәшнгин туужин тускар соньн медрл авч чадв. Энүнә директор Людмила Карловна Чубанова көвүд-күүкд сән зангарн таасгдна. Бичкдүд болһнд бүлән үг олж келвнә. Бичкн Баир болхла “Непоседы” нертә би эврәннь нәәжнрлә биилв.
Цаг давад, нааран талдан көвүд-күүкд ирх. Эдн бас иим би бииләд, дурта эрдмәрн дамшх.
Харлун Бадма, Хавтхна Анатолий
