Хальмгин болн Өвр Монһлын деед сурһулин хәрлцән батржана
Хальмгин государственн университетин болн Китдин Өвр Монһлын деед сурһулин хамцу үүлдврин арвн жилин өөн Элст балһснд темдглгдв. Байрин программар оютнрин болн багшнрин төлә Иньглтин болн Хамцу үүлдврин арвн жилин өөн нертә соньн һәәхүл секгдв. Хальмгин баһчуд китдин байн сойлын тускар келж өгв. Иим сойл ут болн өвәрц туужта болжана, келн-улсин зангшалар шингрв. Дәкәд нег тодлад келхлә, ода Хальмгин университетин оютнр нег жилдән Китдин деед сурһульд дамшлт хоршаж чаджана. Ректор Бадм Салаев болхла, хойр университет хоорндк хәрлцә батрулһна төлә цуг арһ-чидлән әрвллго көдлжәнә, Хальмгин университетин медлд үүлджәх Конфуцин нертә институтын делгрлтин төрмүдт онц оньг тусхажана. Тер мет байрин йовудт хальмгин филологин хойрдгч-тавдгч курсын төлә үүдәгч марһан бүрдәгдв. Эдн һурвн девснгәр дөрлдв. Хамгин сәәнәр сурдг оютнр китдин келәр бичкн наад үзүлв, шүлгүд умшв, дуд дуулв.
