Элстин искусствин школын сурһульчнр цутхлнг хурлын дөнгәр соньн концерт белдв. Тер мет бичкн зурачнрин һәәхүл секгдв.Концертн залд искусствин школын уйн наста артистнр билг-эрдмән үзүләд концерт үзүләд дасчкв.

Эндр әрүн Валентина сән өдр. Ямаран белг дурта күүндән белглхин тускар февралин арвн дөрвнд цуг баһчуд ухална.

Элст балһсна гиичнрин болн бәәрн улсин тоолврар, жил ирвәс кеерәд сәәхрәд йовна. Болв нег төриг кесг жилдән хаһлж болжахш. Хотл балһснд хог-бог асхсн һазр джала.

Эндр Элст балһснд Хальмг танһчин Деед Зарһин президиумин болн зарһин департаментин коллегин хамцу сүүр болв. Энүнд давсн жилин көдлмшин аш диглгдв. Нидн жилин эргцд жирн зурһан минһн зарһин керг күцәгдв.

Хальдврта царцлһна гемәр гемтлһн Хальмг танһчд әәмшгтә кемжәнәс давад уга. Иим гемәр медәтнр болн бичкдүд олра гемтжәхш.

Элст балһснд Әрәсән номин сән өдрт нерәдгдсн байрин хург болв. Энүнд КИГИ РАН-на, Хальмгин университетин болн аридн аһу шинжлһнә институтын нидн жилин көдлмшин аш диглгдв.

Удл уга Әрәсән бичкдүдын болн баһчудын хувцн эрк биш герл туслһна татаста болх зөвтә. Ода Әрәсән Госдумд фликермуд олзлһна туск закана төсв орулгдв.

Лагань балһсна нег герт хаһрдг эв-арһ бәәнә гисн зәнг полицин дежурн әнгд телефоһар ирв. Тер дарунь МВД-н көдләчнр заагдсн герт ирв. Герин бәәрн әмтн болн хам-хоша бәәх гермүдәс әмтн һарһгдв.

Хальмгин спортсменмүд бүс бәрлдәд ноолдлһна Әрәсән хамцу командын ханьд орх арһ бәәнә. Эн жил нарта-делкән Универсиадын наадн Казань балһснд болх. Воронеж балһснд шүүврин марһан болв. Энүнд һурвн зун бөк дөрлдв.

Хальмгуд ончта Цаһан Сарин байран темдглв. Элст балһснд концертн залд Хальмгин ачта артистк Гилән Бембеева соньн концертн программ хаврин байрин өдр белглв.

Ода Элст балһснд светоформуд дутжана. Эн төр хаһлхин төлә хотл балһсна хазнд мөнгн уга болжана. Өдгә цагт Элстин зәрм уульнцд эрк биш светоформуд углж тәвхлә сән болх билә.

Хальмг танһчин шатрин клуб болн шатрин академь негдәд, ода Элст балһсна цутхлнгд бәәх клубын герт бәәршлхмн.

Воронеж балһснд оютнр дунд бүс бәрж ноолдлһна Әрәсән чемпионат төгсв. Ода иим спортар Әрәсәд олн әмтн соньмсжана. Энүг эн жил Казань балһснд болх Универсиадын программд орулв.

Хальмг танһчин селәнә эдл-ахун министерств олна малыг электронн тамһ тәвдг шин эв-арһин тускар семинар бүрдәв. Энүг танһчин нег крестьянск-фермерск эдл-ахун улд кев.

Эндр Хальмг танһчин олн-әмтнә бичәч Балакан Алексейин найн тавн жилин өөнд нерәдгдсн танһчин драматургийин фестивалин дииләчнр йилһрв. Энүнд орлцсн цуг әмтнд цецгүд, дипломс болн белгүд бәрүлж өггдв.