Эндр интернационалист-дәәчнрин санлын өдр

Эндр февралин арвн тавнд интернационалист-дәәчнрин санлын өдр. Хөрн дөрвн жил хооран советск церг Афганистанас һарһгдсмн. Ик зовлнг түрү дааж һарсн салдс-офицермуд гражданск даалһвран күцәһәд гертән хәрж ирв. Эндр Элст балһснд мөнк заль бумбин өөр санлын митингд хол һазрт әмнәсн хаһцсн дәәчнрин санл тодлв. Энүнд ветеранмуд, олна элчнр, йосна органмудын көдләчнр мөнк зальд цецгүд тәвцхәв. Советск цергин сүл колонн Афганистанас нег минһн йисн зун нанй йисдгч жилин февралин арвн тавнд һарла. Арвн жилин эргцд тенд долан зун минһн цергч дәәлдв. Советск цергәс арвн тавн минһн салдс әмнәсн хаһцв. Родина нертә сойлын цутхлнгд байрин хург болв. Энүнд Афганистанд дәәлдсн дәәчнр Әрәсән өөнин медальмудар ачлгдв. Эднә төлә байрин концерт үзүлгдв.