Хальмг танһчин хаалһс ясж шинрүлһнә төлә федеральн бюджетас дөчн сай арслнг йилһж өггдхмн. Эн мөнгәр региональн чинртә хаалһс ясгдх. Тер тоод Городовиковск, Яшалтинск райодт болн Элст балһснд хаалһс шинрүлгдх.
Элст балһсна уульнцд таксофонмудын то кесг холванд баһрх. Эдниг ясж хәләхин төлә дала мөнгн кергтә гиж Әрәсән залһлдана болн олна коммуникицин министерствд келнә.
Эндр Хальмг танһчар зарһин приставмудын федеральн церглтин заллтин коллегин сүүр болв. Энүнд давсн жилин ведомствин көдлмшин аш диглгдв.
Хальмгин спортсменмүд нүүрт һарв. Ставропольск крайд көвүд дунд боксин марһан болв. Энүнд Элстин боксин школын сурһульчнр призермудын тоод орв. Марһана хамгин бичкн боксер Арлтан Очиров болхла түрүн орм эзлв.
Элст балһснд сурһульчнр дунд армспортын түрүн марһан болв. Энүнд тәвн сурһульч орлцв. Эдн жирн тавн килограммас гиигн болн жирн тавн килограммас күнд чиннүрин категорьт дииләчән йилһв.
Эн жилин үвләр тенгрин бәәдл дару-дарунь сольгдад бәәнә. Россельхозцутхлнгин специалистнрин тоолврар, иим таал тәрәнд ик хорлтан күрдг царцахад сән болна.
Эндр Хальмг танһчин прокурор Сергей Табельский журналистнрла пресс-конференц кев. Энүнә йовудт давсн жилин көдлмшин аш диглгдв. Танһчин прокурор журналистнрин сурврмудт хәрү өгхләрн, хамгин зеткртә уголовн кергдүин тускар келж өгв.
Удл уга Әрәсәд һаза бәәх цуг таксофонмуд суһлж авгдхмн. Әрәсән залһлдана болн олна коммуникацин министерствин цәәлһсәр, энүг ясж хәләхд дала мөнгн кергтә.
Пятигорск балһснд “Времена года” нертә бичкдүдин үүдәлтин нарта-делкән марһан болжана. Иим дөрлдән долан жилдән дарандан бүрдәгджәнә. Уйн наста көгжмчнр олн-зүсн номинацар дөрлдв.
Танһчин улст эзнә уга олн ноха болн мис ик әәмшг учражана.
Бичкн ларекмудт болн киоскмудт пиив хулдшго закана хөөн, ода тәмк татдг му авяьсан хайх селвг Әрәсән әмтнд өггджәнә. Цөн сар болад шин закан үүлдврт орх.
Эндр хальмг танһчин толһач Алексей Орлов Монһлын делегацла харһлт кев. Алексей Орловин келсәр, мана хойр келн-улс хоорнд бат залһлдан тогтв. Күсдүндур жил хооран Монһлын президентин һардврта ик делегациг тосж авлавидн.
Эндр Хальмг танһчин правительствин президиумин сүүр болв. Энүнд һурвн төр хәләгдв, тер тоод заһс бәрлһнә комплексин бәәдлин болн делгрлтин туск төрәр тодрха күүндвр кегдв.
Баснга Баатрин нертә Хальмгин келн-улсин театрт Балакан Алексейин бичсн "Зарһим эврән кетн" наадна түрүн үзүлвр болв. Танһчин сценд иим наадн түрүн болж тәвгджәнә.
Эн өдрмүдт мана танһчд Барун Монһлын делегац ирсн бәәнә. Хальмгин государственн университетин оютнрла болн багшнрла харһлт кев.