Эндр әрүн Валентина сән өдр
Эндр әрүн Валентина сән өдр. Ямаран белг дурта күүндән белглхин тускар февралин арвн дөрвнд цуг баһчуд ухална.
Әрүн Валентина байрин өдр тогстн авьясар Элст балһсна цуг школмудт валентинкүдин төлә шишлнг яаршгуд тәвнә. Хөрдгч школ бас иим яаршг бәәнә. Кичәлмдүин хоорнд завср болһнд бичкн почтальонмуд открытксиг класс болһнд күргнә. Өрүн эртәс авн яаршгин өөр олн сурһульчнр цуглрна. Эн өдр көвүд-күүкд дуран өгсн күүндән бүлән үгмүдән нерәдхәр зүткнә. Герл Бамбышева бас иим валентинк бичв. Зуг энүг кенд нерәдсн тускар күүнд келшго. Иим зангшал бәәнә. Герл Бамбышеван келсәр, мана школд шишлнг яаршг бәәнә. Энүнд сурһульчнр дурна туск бичгән хайж чаджана. Иим кевәр эдн эврәннь дуран дурта күүндән медүлнә.
Өдгә цагт валентинк бичсн күн нер-усан заахш. Зәрмдән бичкдүд нег-негән шоглхин төләд нер-усан заахдан дурго. Сурһульчнрин келсәр, иим нуувч бичг бичхд амр. Нег үлү, хәрг зангта күүнд иим кевәр седклән медүлхд эвтә болна. Тегәд февралин дөрвнд иим бичг бичхинь бичкдүд бүкл жилдән күләнә. Әрүн валекнтина байрин өдр хөрдгч школд литературн көгжмин асхн болх. Энүнә йовудт болх дискотект хамгин олн валентинк авсн көвүн-күүкнд принц болн принцессан нерн зүүлһгдхмн. Талдан күүнд таасгджахан медж болх. Зәрм бчикдүд нег-негән олж авна. Олн валентинк авч. Кенәс ирснь медгджәхш. Иим байриг жил болһн темдглнәвидн. Илвтә яаршгт бичгүдән хайнавидн. Давн жилд дала валентинк авч.
Байрин өдр валентикүд белглсн деерән, талдан чигн белг өгдг авьяс бәәнә. Хулдачнрин келсәр, хамгин олар валентинкүдиг сурһульчнр болн оютнр хулдж авна. Тер мет жөөлн наадһас, талдан чигн наадһа олра хулдж авгдна. Болв эн өдриг зәрм әмтн байр гиж тоолжахш. Болв байрин бәәдл цуг улст күртнә. Зәрм әмтн болхла эн байриг ик эртәс авн күләнә. Эврәннь дурта көвүнд валентинк болн билцг белглж. Дурта күүндән белг белдв. Йир сән байр. Дуран өгсн күүкнд белг өгч. Белг күүкнд таасгдсн болх. Февраль сар эклхлә, эн байриг күләнәвидн. Эн байриг темдглжәхшв. Өвкнрин авьяс бәрж, Зулын болн Цаһан сарин байр темдглнә.
Би чамд дуртав. Эн һурвн үг цуг нарта-делкәг негдүлжәнә. Февралин арвн дөрвнд эн үгмүд кесг минһн холванд олар келгднә. Сүл цагт дурна тускар олн-зүсн эв-арһар медүлж болх. Болв эврә һара бичсн бичг авхд байрта болна.
Ээнән Делгр, Настан Сергей
