Энүнә өмн өдр баһ тетквртә өрк-бүлмүдин бичкдүдин төлә Цаһан сарин байрт нерәдгдсн буйнч седклин концерт болв.

Эндр хальмг улс хамгин дурта байрин негинь — Цаһар сарин байран темдглжәнә. Бүркг хур-чигтә өдр болв чигн, хальмгуд хаврин ончта байран сергмжтәһәр тосжана.

Эндр гражданск авиацин йирн жилин өөнд нерәдгдсн байрин хург болв. Энүнд эн халхин ветеранмуд, министерствсин болн ведомствсин элчнр орлцв. Аэропортын директор Баатр Коокуев авиапредприять тууж соньн.

Эндр Әрәсәд номин өдр темдглгджәнә. Эргндк йиртмж шинжлһнә институт болн эрдм-сурһулин, номин болн сойлын министерств энүнд нерәдгдсн сурлһ ах классмудын сурһульчнр болн оютнр дунд давулв.

Хальмг танһчд шин Улан дегтр барлх зура бәәнә. Ода ховр мал-аһрусна, урһмлын болн тенгрин кииһин тускар список кегджәнә. Иим дегтр мана регионд түрүн болж барлгджана.

Танһчин ЖКХ-н министерствин седвәрәр тогтагдсн комиссь Элст балһснд олн давхрта гермүдт дула өглһнә мөнгнә кемжән икдсн учринь бүрткж хәләх.

Һарцан хаалһд учрсн зеткртә йовдлын туск зәнгәс эклжәнәвидн. Эндр өрүн нәәмн часин алднд Көтчнрә районд Элст-Волгоград хоорндк федеральн хаалһд әмт ззөж йовсн автобус орлцата зеткртәй овдл учрв.

Элст балһснд дарани рок-фестиваль болх. Энүнд дурна, бәәдл-жирһлин болн әмтиг үүмүлжәх төрмүдин тускар эврәннь дуунд дуулжах көгжмчнр нег сценд цуглрх. Ода баһчуд дуулх үүдәврмүдән шүүж авчана, сценическ хувц-хунр белджәнә.

Баһ наста багшин бенефис. Элст балһснд баһ наста педагогмудын марһан болх. Энүнд эдн эврәннь методическ эв-арһан үзүлх. Эрдмин үүлдврт олзлжах шин эв-арһсин тускар баһ наста багшнр келж өгхмн.

Өдгә цагин балһсн ямаран болх зөвтә? Энүнд олн-зүсн систем, тер тоод көлгн-күчнә, телекоммуникационн, электро болн усар тетклһнә эв-арһ бәәх зөвтә. Эдн цугтан хоорндан залһлдата.

Эндр Хальмг танһчар федеральн миграционн церглтин әнгин коллегин сүүр болв. Энүг региональн ведомствин һардач Алексей Рожков һардв.

Хальмгин государственн университетин хамцу команд Воронеж балһснд һарч йовв. Тенд оютнр дунд бүс бәрәд ноолдлһна Әрәсән чемпионат болх. Энүнд спортын мастерин кандидатас өөдән цолта спортсменмүд дөрлдх зөвтә.

Хол болн өөрхн Төвд. Иим нертә марһан Элст балһсна сурһульчнр дунд болв. Энүнд хотл балһсна школмудын тәвн көвүн-күүкн орлцв. Эдн хойр номинацар дөрлдв — зурачнрин болн шинжлтын көдлмшин дөрлдәнд диилчән йилһв.

Элст балһсна цутхлнгд бәәсн бийнь, бәәцин таал уга бәәнә. Энүнә тускар Элстин уульнцин бәәрн әмтн келнә. Эднә уульнцд хату девскртә хаалһ уга, уудг усн иржәхш.

Эндр Элст балһснд танһчин прокурор Сергей Табельский һардврта коллегин өргн сүүр болв. Энүнд ведомствин давсн жилин көдлмшин аш диглгдв. Коллегин сүүр Хальмг танчһин толһач Алексей Орлов орлцв.