Давсн амрлһна өдрмүдт Элст балһснд шин кондитерск фабрик байрин бәәдлд секгдв.

Цалглань эс өгсн ял хөөннь му ашта болв. Зарһин приставмудын барин церглтин эндр зәнлсәр, танһчин нег государственн учрежденя ик цолта көдләч болж көдлжәсн күүнә зөөн бичгдж авгдв.

Хальмг танһчин номин ниицән икәр һарутв. Хальмгин государственн университетин профессор, Әрәсән номин ачта үүлдәч Очр Джогаевна Мукаева гемин уршгар сәәһән хәәв. Эндр хальмгин университетд энүг сүл хаалһднь үдшәлһнә митинг болв.

Хальмг танһчин болн Монһлын номтнр күцәх хамцу номин болн шинжлтын экспедиц бүрдәлһнд мана региона һардачнр цуг халхаснь дөн болх.

Байрин өдр өөрдж йовна. Февралин хөрн һурвнд төрскән харсачнрин байрт цуг әмтн белдвр кежәнә. Элстин уульнцд бас белдвр кегджәхнь үзгднә.

Эндр Элстин Диилврин талвнгд МВД-н һучн шин көдләч байрин бәәдлд андһар өгв. Дөрвн сардан эдн эрдмин белдвр кедг цутхлнгд сурһуль дасв.

Бичкдүд ямаран чигн һазрт бәәсн бийнь, сән чинртә медрл авх зөвтә. Селәнә школын багш Евгений Менкеев иим тоолврта бәәнә. Эн баһ наста специалист Целинн района Деед Яшкулин школд көдлжәнә.

Эндр Хальмг танһчин премьер-министр Игорь Зотов правительствин комиссин сүүр һардв. Энүнд танһчин бюджетд алвна болн алвна биш ору икдүлһнә, өр данцлһна төрмүдәр күүндвр кегдв.

“России важен каждый ребенок». Шин программ өнчн бичкдүдиг харсж, эдниг өрк-бүлмүдт авлһнд нөкд болх. Ода Хальмг танһчд эн төсв экләд күцәгджәнә.

Мартын хөрн таванас авн апрелин хөрн тавн күртл региональн чинртә хаалһсар ик аца зөөдг машид дав зуур йовж чадшго.

Өцклдүр асхн хальмг танһчин сунһлһна комиссин дарани биш сүүр болв. Энүнд политическ партьсин элчнр орлцв. Иим сүүр давулснь бас учрта. Элст балһсна территориальн комиссин көдлмшин тускар олн әмтн эрлһ бичв.

Жил ирвәс һарин чидлән сөрх улсин то өсәд йовна. Энүнд танһчин премьер-министр Хальмгин армрестлингин федерацд одад, ил герч болв. Энд сурчах көвүд гиичд эв-дован болн хоршасн дамшлтан үзүлв.

Санкт-Петербург балһснд болн нарта-делкән марһанд Хальмг танһчин уйн наста боксермуд призермудын тоод орв. Энд нарта-делкән чемпион Николай Валуевин мөрән төлә тавдчг марһан болв.

Манһдур төрскн келнә нарта-делкән өдр. Эн өдр арвн һар жил хооран келнә болн сойлын туст дөн күрглһнә төлә экләд темдглддг болв.

Шог наадна болн драмин орсин театрт Хальмгин государственн университетин оютнр дунд шүүвр болх.