Элст балһснд хог-бог дегд дала болад, балһсн бузрджана
Элст балһсна гиичнрин болн бәәрн улсин тоолврар, жил ирвәс кеерәд сәәхрәд йовна. Болв нег төриг кесг жилдән хаһлж болжахш. Хотл балһснд хог-бог асхсн һазр джала. Хотл балсһна һардачнр хог-богас балһс өдр болһн цеврлж һарһна. Зуг бәәрн әмтн уульнцд болн бәәсн гериннь өөр хог-бог асхад, эргндк аһу бузрдажана.
Балһсна уульнцд хог-бог дала. Машинас йовхла иим бузр һазр ил сәәнәр үзгднә. Тиим нег бузр һазрин өөр машиһан зогсавидн. Мана өмн хог-богин йоста уул цуглрв. Элстин эдл-ахун заллтин көдләч Марина Пелих келсәр, минь одахн энд хог-бог зөөж цеврлж. Ода болхла дәкнәс дала хог-бог цуглрж. Эндр балһсна эдл-ахун көдләчнр Элстин өмн үзгин районд көдлхәр ирв. Цөн өдр болда энд дәкнәс бузр болх гиж көдләчнр бат итклтә бәәнә. Көдләч Элла Трофименко келсәр, жил болһн иим бәәдл энд тогтна. Арвн хйор жилдән көдлжәнәв. Әмтн хог-бог мишкәр зөөж хайна.
Эргндк аһу цервлхин төлә немр чидл — хаалһин церглтин көдләчнриг дуудх кергтә болв. Эннь немр һару болж һарчана. Эдл-ахун ах мастер Сергей Мантеевин келсәр, хог-бог хураж авсн деерән, предприять иим бог зөөж һарһснд бас һару һарһхмн. Ах мастер Сергей Мантеевин келсәр, хог-бог хураж һарһлнд немр һару һарчана. Хәләтн хог бог хайсн күүнә цаас кевтнә. Кен хайснь ил медгднә.
Тачиевин нертә уульнцин болн Советский нертә переулкин болн хотл балһсна цутхлнгд бәәх улст цеврәр бәәтн гисн үгмүд медгджәхш. Эзнә нег герин өөр хам-хоша бәәх әмтн дегд дала хог-бог асхжана. Энүнә эзн күүкд күн балһсна ахлачнр энүнә тускар келәд муурад бәәв. Зака эвджәх иим улсиг административн засгла харһулх үгән өглә. Болв эн төр ода күртл хаһлгдад уга. Инспектор Марина Пелих келсәр, иим улс хойр зун арслнгас авн хойр дундур минһн арслнг ял өгх зөвтә. Юридическ улсин ял энүнәс ик.
Островскийин нертә уульнцд болхла тас талдан бәәдл үзж болх. Энд бәәх әмтн зака күцәж, цевр цер бәәнә. Хог-бог зөөж харһлһна туслмжин мөнг өгчкәд, санамр бәәнә. СпецАТХ-н көдләч Виктор Бадмаевин келсәр, хамгин баһар һазриг медтәнр бузрдана. Нег үлү, хог-бог зөөж һарһсна мөнгн дегд ик биш.
Ода специалистнрин келсәр, Элст балһснд бузр һазрин то дегд олн болв. Энүг нам тоолж болшго. Нег үлү, закан угаһар хог-бог хайдг һазр бас олн. Эннь балһсна һюардачнрт ик зовлнг болжана. Ут-тоодан мана танһчд иим бузр бәәрнә то жирнд күрчәнә. Йиртмжин көрнгин министерствин то-дигәр, нег жилдән хойр зун минһн тонн хог-бог зөжж һарһгдна. Эннгь йосна тоод орсн кемжән. Энүнхс иштә хог-бог зөөж һарһадг һазр уга болжана. Элст балһсна болн танһчин райодт хог-бог зөөж һарһдг төр хаһлгджахш. Өдгәц агт иим хог-бог зөөж һарһжах бәәрн санитарн болн экологическ некврлә ирлцжәхш.
Иим бәәдл тоод авад, танһчин муниципальн бүрдәцсин аһу цеврлһнә генеральн зура батлж авх даалһвр правительств өгв. Ода эн көдлмшиг зуг Элст балһсн болн Приютненск район күцәжәнә. Арвн гектарин аһута шин полигона тосхлытн төсв хотл балһсна мэрий белдж авв. Тер мет иргч долан жилд хог-бог зөөж һарһлһна танһчин шишлнг программ батлж авгдв. Энүнә төлә хойр жува арслнг йилһж өггдх.
Министерствин көдләч Надежда Малышеван келсәр, район болһнд хог-бог эд-бод кедг комплекс тәвдг арһ уга. Энүнә төлә ик завод кергтә.
Дәкәд болхла эн төрәр министерств ирлцнһү зака белджәнә.
Чучян Валентина, Колдан Церн
