Региональн правительствин тогтаврар эн жилин февралин арвн нәәмнәс авн хойр минһн хөрдгч жилин декабрин һучн негн күртл теегин гөрәс анһучлж болшго. Эн туст ода мана танһчд күнд бәәдл тогтв.

Советск Союзин улсин хамгин дурта режиссер, сценарист, актер болн СССР-ин олн-әмтнә артист Леонид Гайдай эн жил йирн нас зүүх бәәсмн.

Пятигорск балһснд художествен гимнастикин цугәрәсән марһан төгсв. Энүнд Өмн үзгин болн Ар Кавказин федеральн округсин регионмудас һурвн зун уйн наста спортсменк орлцв.

Эн жилин хаврар Жилин багш нертә марһан болх. Ода педагогическ коллективмудт белдвр кегджәнә.

Зеткртә йовдл учрсн цагт зөөр болн социальн зөв харслһна керг тетклһн бат иткл пассажирмуд авв.

Танһчин правительствин президиумин дарани сүүрт эндр бруцеллез гемлә ноолда келһнә төр һол төр болв. Эн төрәр танһчин ах санитарн эмч Константин Яшкулов доклад кев.

Эндр Элст балһснд шинжлтын межрегиональн семинар көдлмшән эклв. Энүнд орлцачнр федеральн инновационн плошадксин көдлмшин дамшлтар күүндвр кецхәв. Эндр кесн докладмудт эрдм-сурһулин чинр өөдлүлһнә тускар келгдв.

«Нарна толян» нертә англь келнә дууһин марһан Элст балһснд болв. Энүнд хотл балһсна школмудын йисдгч — арвн негдгч классмудын сурһульчнр орлцв. Эдн хойр номинацар — онц болн вокальн багар дуулһна номинацар дөрлдв.

Ода Әрәсән арвн минһн күн универсальн электронн карточкс авцхав. Энүг январин нег шинәс экләд өгчәнә. Эндр өдрт иим карточк авх хөрн минһн күн эрлһ орулж өгв.

Өрән цаглань данцах кергтә. Коммунальные сети нертә Баһ Дөрвдә акционерн ниицәнә оруһин мөнгн долан хонгин чилгч болһн зарһин приставмудын района әнгин депозитн тойгт орж ирх.

Иргч амрлһна өдрмүдт Элст балһсна арвн доладгч школд интернационалист-дәәч Сергей Громовин санлд нерәдгдсн балһсна мини-футбольн марһан эклхмн. Сергей Громов арвн доладгч школ төгсәсмн, спорт дурта билә, футболын секцд оржала.

Хальмг танһчд өдмгин үн январь сарин кемжәнд күрч кимдрв. Ода нег буханк өдмг хөрн арслнг күрчәнә.

Эндр Балакан Алексейин нер зүүжәх балһсна библиотект бичәчин найн тавн жилин өөнд нерәдгдсн асхн болв. Энүнд бичәчиг сәәнәр медж йовсн улс, шүлгчнр, бичәчнр болн театральн үүлдәчнр орлцад, тодлврмударн хувалцв.

Эклц келн-улсин классмудт кел өргжүллһнә кичәл яһж давулхин тускар хальмг келнә багшнр хоорндан селвцв. Эдн Элст балһснд дамшлтын болсн семинарт харһв.

Эндр февралин арвн тавнд интернационалист-дәәчнрин санлын өдр. Хөрн дөрвн жил хооран советск церг Афганистанас һарһгдсмн. Ик зовлнг түрү дааж һарсн салдс-офицермуд гражданск даалһвран күцәһәд гертән хәрж ирв.