Хальмгин медикүд эрдмин сән өдрән темдглх. Июнин һурвдгч нарн өдр Әрәсәд медицинск көдләчнрин сән өдр темдглгднә. Ода танһчин бичкдүдин больницд ут-тоодан тавн зун специалист көдлжәнә.
Хальмг танһчин зәрм райодт царцаха олар тархагджана. Хамгин күнд бәәдл эн туст Ик-Буурла районд тогтв. Әәмшгтә хортнла ноолда кехин төлә авиац олзлгджана. Эндр өдрт тавн минһн гектарин аһуд хорн цацгдв.
Дөрвн предметар оср келнә, туужин, информатикин болн биологин ЕГЭ-н шүүврин аш медгдв.
Хальмг танчһин аһуд темдглгдж бичгдсн һучн һурвн политическ партьс Хальмг танһчин олн-әмтнә хуралын сунһврт орлцж чадхмн. Энүнә тускар эндр журналистнрла болсн пресс-конференцд Хальмгин сунһлһна комиссин ахлач Александр Дикалов зәнглв.
Алдр диилврин жирн нәәмдгч өөнд нерәдж балһсна эрдм-сурһулин оютнр “Бидн тодлнавидн, бидн таднар бахмж кенәвидн” гидг төсвин йовудт Элст балһснд баг керг-үүлдвр давулв.
Жил болһн май сарин арвн хойрт медицинск эгчнрин сән өдрт темдглгднә. Дигтә эднә дөнгәр кесг улсин эрүл-менд батруллгдна гихлә чик болхмн. Баснга Баатрин нертә келн-улсин театрт байрин хург болв.
«Әрәсә өнчн күүкд угаһар» гидг федеральн төсв хальмг танһчд дигтә даратаһар күцәгджәнә. Эндр өрд хальмгин нәәмн өрк-бүл танһчин бичкдүдин герт бәәх өнчн күүкд авхдан белн бәәцхәнә.
Элст балһснд саадгар халһна таңһчин келн-әмтнә 2гч марһан давв. Энүнд һуч һар улс орлчж чидлән сөрхцәв. Келхд, сүл жилмүдт эн спортд олн әмтнә оньг тусхагджана.
Энүнә нерн мөнкинд үлдх. Элст балһснд дәәнә болн күч-көлснә ветеран Махмуд Аккочкаровин санлд нерәдгдсн самбр байрин бәәдлд секгдв. Эн күн танһчин финансин систем бүрдәлһнә ул тогтасмн.
Эн өдрмүдт Алдр дәәнә болн күч-көслнә ветеран, академик Пүрвә Мучкаев йөрәлин бичгүд авчана. Хальмг деед сурһулин ректор Бадм Салаевин темдглсәр, Пүрвә Мучкаевла әдл улс манан келн-әмтнә алтн көрңг тогтажана.
Насни дигт күрәд уга көвүн күүнә маши авад зулсмн. Болв машиһан сәәнәр залж чадлго көмрәд, гүүндән хойр метр нүкнд унсмн. Эн йовдл эндр өрүн эрт учрв.
Эндр Элст балһснд Алдр Диилврин байрт нерәдгдсн сән зангшалд тохрсн велопробег болв. Энүнә орлцачнр тавн жил дарандан алдр Диилврин өмн өргнд Элст балһс эргәд, дәәчнрин туурмжин һазрар велосипедар йовна.
“Салют Победы” нертә төрскнч дууһин марһана дииләчнр Элст балһсна цутхлнг тавлнгд болх ик концертд орлцх хөв авцхав.
Алдр Диилврин байрин өмн өргнд төсркән харсгч дәәнә ветеранмудыг күндлж йөрәжәнә. Мөшклһнә комитетин региональн заллтын көдләчнр дәәнә ветеран Иван Архипович Сафоновин герт гиичд одв. Эн медәт прокуратурин ветеран болжана.
Аршань поселкд Диилврин салдснрт болн тылын көдләчнрт нерәдгдсн мемориальн эрсин өөр эндр Алдр Диилврин жирн нәәмдгч жилин ончта өөнд нерәдгдсн байрин линейк болв.