Элст балһснд Мөнк заль бумбд ясврин көдлмш төгсжәнә. Мемориалын эрснь шин керамическ плиткар кеерүлгдв, бумбин талдан әнг ширдгдв, әмтн йовдг хаалһ шинрүлгдв.

Эндр түүмр унтралһна церглтин көдләчнр эврәннь эрдмин сән өдрән темдглжәнә. Харсачнрин ик зунь эврәннь байрин өдрән көдлмштән тосжана. Байрин өмн өргнд танһчин түүмр унтралһна церглтин көдләчнр эрдмин марһанд чидлән сөрв.

Элст балһснд сойлын көдләчнрин Әрәсән профсоюзмудын жирн жилин өөнд нерәдгдсн Хальмгин танһчин профсоюзмудын организацин кубокин мини-футбольн марһан болв. Энүнд тәвн футболист орлцв. Тер тоод ГТРК “Калмыкия” команд бас чидлән сөрв.

“Мы такие разные, но мы вместе” нерәдлһтә Әрәсән Өмн үзгин федеральн округин деед сурһулин һазадын ордудын оютнрин фестивалин программар Хальмгин государственн университетин спортын комплекст давсн амрлһна өдрмүдт спортивн марафон болв.

Әрәсән келн-улсин туульс нертә бичкдүдин театральн коллективмудын марһан танһчин бичкдүдин үүдәлтин цутхлнгд болв. Энүнд хотл балһсна болн райодын зун сурһульч орлцв.

Хальмг танһчин йиртмжин көрнгин болн эргднк аһу харлсһна министерств йиртмж харслһна рейдмуд күцәжәнә. Иим керг-үүлдврмүд танһчин зәрм райодт кегдв.

Элст балһснд маршрутн автобусмудт йовлһна үн хойр арслнгд үнтәрв. Ода нег йовлһна үн арвн хойр арслнг тогтажана. Энүнә тускар ирлцнһү заквр апрелин хөрн тавнд батлж авгдв.

Эн өдрмүдт Элст балһснд Церн Балзановин нертә олимпийск көрнгин бичкдүдин спортивн школын боксин марһан болжана. Энүнә дөрвн чиннүртин категорьт зу һар бичкн боксермуд чидлән сөржәнә.

Сити-чесст бәәх танһчин бичкдүдин үүдәлтин цутхлнгд шишлнг керг-үүлдвр бүрдәж давулгдв. Иим керг-үүлдвр немр эрдм-сурһульд олн бичкдүд оньг тусхалһна төлә күцәгджәнә.

Эндр Ик-Буурл селәнд футболын района фестиваль эклв. Жил болһн болдг турнирт футболар Әрәсән хамцу командын тренер Андрей Талалаев болн нарта-делкән классин спортын мастер, Әрәсән нертә футбольн шинжләч Евгений Ловчев ирв.

Өцклдүр асхн Элст балһсна цутхлнгд Баатрмудын аллейд бәәсн хотл балһсна әмтн нохата полицин көдләчнриг үзчкәд алнг болв. Эдн хулхачиг хәәжәсн бәәж.

Эндр Элст балһснд Чернобыльск аюлла харһад әмнәсн хаһцсн улсин санлын митинг болв. Хөрн долан жил хооран атомн стацнин дөрвдгч блок хаһрад, ик аюл болв.

Эндр Элст балһснд Әрәсән Өмн үзгин федеральн округд сурчах һазадын ордудын оютнрин секәтә түрүн фестиваль көдлмшән эклв. Эн баһчудын хург мы такие разные, но мы вместе нерәдлһтәһәр бүрдәгдв.

Ке-сәәхн болн спорт. Биид дурта баһчуд цогц-махмудын чидлиг болн искусствиг негдүлв. Энүнд Хальмг танһчин секәтә марһанд орлцачнр герч болв.

Үстин района цутхлнг Цаһан Амн селәнд Астраханск областяс хазгудын мөрнә экспедиц тосж авв. Иим керг-үүлдвр түрүн болж бүрдәгджәнә. Энүг төрскән харсгч дәәнд диилвр бәрснә жирн нәәмдгч жилин өөнд нерәдж давулжана.