Алдр Диилврин байрин өмн дорас өсж йовх баһчудт төрскнч сурһмж өглһнә кергт ик тәвцән орулсн төләд арвн дәәнә ветеранд Элст балһсна администрацин толһачин мөрә болн диплом бәрүлж өггдв.
Алдр Диилврин жирн нәәмдгч жилин өөнин өмн өргнд Пальмовин нертә келн-улсин музейд "Вальс Победы" нертә байр болв.
Хальмгин радио өдгә цагт Радио России программар эфирт һарчана. Энүг авторск канал гиж бүрдәв. Хальмгин радиоһар ахр зәнглһн болн цәәлһвр кегджәнә. Энүнд улсин хамгин ик чинртә төрмүдәр күүндвр кегднә.
Октябрьск район цутхлнг Ик Царнг селәнд Дмитрий Медведевин олна приемн көдлв. Хальмг танһчин олн-әмтнә хуралын депутатнр селәнә улсиг үүмлжәх төрмүд хаһлхин төлә района бәәрн әмтнлә харһад күүндв.
Сурһулин шин жиләс авн Хальмг танһчин тавн школд шин предмет — географь орулгджана. Ода энүг тавдгч классин сурһульчнр дасх. Урднь эдн природоведение предмет дасдг билә. Эннь мана регионд дамшлтын төсв болжана.
Элст балһснд видеокамер углж тәвхин төлә һучн тавн сай арслнг кергтә болжана. Әәмшг уга балһсн программ күцәхин тускар эндр танһчин правительствин президиумин сүүрт келгдв.
Пятигорск балһснд “Времена года” нерәдлһтә бичкдүдин үүдәлтин нәәмдгч нарта-делкән фестиваль болв. Уйн наста көгжмчнр олн-зүсн номинацар билг-эрдмән үзүлв. Мана танһчас фестивальд Дорджина нертә Элст балһсна бичкдүдин көгжмин школын сурһульчнр орлцв.
Хальмгин уйн наста боксер Чингиз Натыров хамгин сән гисн спортсменмүдин тоод йовна. Казань балһснд Әрәсән оютнрин спорын ниицәнә түрүн президент Алексей Кисилевин санлд нерәдгдсн боксин цугәрәсән марһан болв.
Көтчнрә района Ергенинский селәнд болсн мөрдин урлданд диилчәнр йилһрв. Марһана һол мөрә Нива автомобиль хөрн дуунда диилвр бәрсн спортсмен шүүж авв.Ке-сәәхн мөрд дор ормдан зогсж чадлго, тавлад бәәв.
Давсн долан хонгт танһчин хаалһст арвн тавн зеткртә йовдл учрв. Энүнә ашт хойр күн әмнәсн хаһцв, арвн долан күн олн-зүсн шав авв. Тер тоод нег бичкн күн шавтж.
Православн шажнд шүттг улс Иисус Христосин Воскресения хамгин һол байр — Пасхин байр темдглв. Танһчин цуг чонжд бембә өдрин сөөһәр нарн өдрин сө күртл байрин ик мөргүл болв.
Хальмг танһчд эзнә бичкдүдин садмуд государственн болн эзнә нөкцлтин программар бүрдәгдх. Энүнә тускар танһчин правительствин ахлач Игорь Зотовин һардврта көдлмшч селвлцәнд келгдв.
Элст балһснд театральн сезон төгсж йовна. Эн жил артистнр эврәннь хәләһәчнрән соньн наадар байрлулв.
Пенсионермудын төлә компьютерн сурһуль болв. Алдр Диилврин майин йисн өдрин өмн өргнд Хальмгин университетд медәтнрин төлә компьютерар көдлдг эрдмин сурһуль бүрдәгдв. Иим сурһуль өнгәр болв.
Майин нег шинд Элстин Иньглт паркд бичкдүдин төлә олн-зүсн наадлһна аттракцион көдлмшән эклх. Дулан чилгр өдрмүдт энд олн әмтн бичкдүдтәһән цуглрна.