Элст балһсна социальн приют бичкдүдин болн баһчудын төлә секгдсмн

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһсна бичкдүдин нег социальн учреждень октябрь сарас авн государственн чинртәһәр көдлжәнә. Эн социальн приют бичкдүдин болн баһчудын төлә секгдсмн. Арвн жилин эргцд жирһлин күнд бәәдлд туссн насни дигт күрәд уга хойр зун көвүд-күүкд энд орв. Приютд бичкдүдиг дөннәд, кергтә нөкд болна. Энүнә директор Ольга Ташнинован келсәр, эн жилмүдт нааран туссн көвүд-күүкдт бәәцин болн талдан чигн халхин таал бүрдәхд ик оньг тусхагдв. Энд бәәх бичкдүд гертә бәәснлә әдл бәәх зөвтә. Эн туст государственн программ болн меценатмуд дөн күргв.

Мана Вести-Калмыкия сайтд орад эн төрәр тоолврарн хувалцж чадхит. Эндрк сурвр иим. Социальн приютд бичкдүд болн баһчуд оршго төләд тана хәләцәр ямаран керг-үүлдврмүд күцәх кергтә? Һурвн хәрүһәс негинь шүүж автн. Түрүн хәрү иим — өнчн бичкдүдиг эврәннь өрк-бүлдән авх улсиг дөннлһнә төлә региональн программ батлж авх кергтә. Хойрдгч хәрү — социальн церглтин көдләчнр түрү бәәдлд туссн өрк-бүлмүдиг цаглань илткж авх зөвтә. Һурвдгч хәрү — бичкдүдт кергтә туслжм өгәд, эднд дуран тусхах сурһмж әмтнд өгхлә сән болх. Вести-Калмыкия сайтд орад, ухан-тоолврарн хувалцхитн суржанавидн. Сурлһна ашиг бидн асхни һарцд диглхвидн.