Эндр Троицкое селәнд бичкдүдин төлә олн халхта спортын плошадк байрин бәәдлд секгдв
Ода эн болн талдан чигн зәнгсин тускар тодрхаһар. Эндр Троицкое селәнд бичкдүдин төлә олн халхта спортын плошадк байрин бәәдлд секгдв. Байрт олн-әмтнә хуралын депутатнр, Целинн района һардачнр, селәнә бәәрн улс, тер тоод бичкдүд орлцв. Шин спортивн обьектд мини-футбол наадг бәәрн, баскетбольн болн волейбольн плошадкс бәәнә. Энүг тосхлһнд өдгә цагин некврлә ирлцәтә эв-арһ олзлгдв. Энүнд мана үүдәгч баг герч болв.
Иим байрин бәәдлд Троицкое селәнә цутхлнгд олн халхта спортын плошадк эндр секгдв. Бәәрн селәнә көвүд болхла энүнә өмн ирж футбол наадв. Өндр хаша болн бөдүн улсин заквр эднд харш болсн уга. Шин спортын плошадк эднд таасгдв. Ода Жуковин нертә Троицк дундын школын сурһульчнр энд футбольн марһаст орлцж чадх. СНХ Леонид Молчановин келсәр, плошадк дегд сән. Москван хамгин ик Лужники стадионла әдл девскр кегдв. Тенд наадх саам учрв. Иим сән плошадкт көвүд-күүкд спортын халхар сән үзмж бәрж чадх.
Келхд, ода Троицкое селәнд иим спортын плошадк талдан чигн һазрт бәәнә. Эдниг сүл хойр жилин эргцд тосхв. Эндр сексн шин плошадкт өдр-сө уга наадж болх. Энүнә төлә электрогерл орулгдв. Энд мини-футбольн, баскетбольн болн волейбольн дөрлдә бүрдәж болх. Энүнә тосхлтд өдгәц агин некврлә ирлцәтә хамгин сән эв-арһ олзлгдв. Спортын плошадкин девскр хур-чиг дааж һарх, олн жилдән олзлж болхмн. Нег үлү, иим девскрт көвүд-күүкд шав авшго. Тегәд чигн көвүдт иим плошадк икәр таасгджана. СНХ Нарн Обгеновин келсәр, энд наадад кесг дәкж унж. Тер бйинь шав авсн уга, дегд ик өвдкүртә болсн уга. Бичкн шав авснь әәмшг уга, эдгж одх гиж Нарн келнә.
Эн жилин чилгч күртл Хальмг танһчин аһуд иим арвн шин спортын обьект тосхгдх. СНХ целинн района бичкдүдин спортын школын тренер Санл Ольвеевин келсәр, иим спортын плошадк ик кезәнәс авн күләжәнәвидн. Урднь бичкдүд спортын бичкн залд наддг билә. Ода болхла һаза ямаран чигн цагт дурндан наадж чадх.
Троицкое селәнд секгдсн шин спортын плошадк өдр-сө уга гилтә көдлх. Энд бичкдүд болн бөдүн улс сул цагтан ирәд, цогц-махмудан батрулж чадхмн.
