Хальмг танһчар федеральн казначействин заллтд хальмг келнә марһан болв

Хальмг танһчар федеральн казначействин заллтин һардвр эврәннь көдләчнрин хальмг келнә медрлиг бүрткж медж авв. Энд болсн төрскен келнә сурһулин хөөн, ашлгч марһан болв. Марһанд шинкн хальмг кел дасжах көдләчнр бас орлцв. Соньн дөрлдәнә тускар мана сюжетд келгджәнә.

Марһан амрлһна өдр болсн бийнь, энүг хәләхәр олн улс ирв. Хальмг улсин ке-сәххн би, енгсг дуд, хальмг улсин хот-хол болн олн-зүсн соньн марһас цуглрсн улст икәр таасгдв. Дөрлдәнд орлцсн әмтн хойр командар хувагдж дииләчән йилһв. Марһанд эдн соньн программ белдж, тохнята белдвр кесн бәәж. Айса Нахошкина келсәр, марһанд сән белдвр кежһЭнүнә төлә хальмг улсин сәәхн хувц уйж, олн-зүсн хот — хол кеж. Дурн бәәхлә цаг олдна. Көдлмшин хөөн амрлһна өдрмүд олзлад белдвр кеж чадв. Иим кемд бидн цугтан ни-негн коллектив болад, сән нәәжнр болв. Иим керг-үүлдвр йир соньн гиж Айса келнә.

Айсан тоолврар, марһан йир олз-туста болв, соньн медрл авв. Программ белдсн цагт орлцачнр, хальмг улсин уул авьяс-зангшалын тускар медж авв, олн ду, йөрәл дасж авцхав.

Наталья Шульга Элст балһснд төрж, өсж-босв. Тегәд хальмг улсин келн болн авг-бәрц энүнд соньн болж медгдв. Марһанд Наталья хальмг улсин сәәхн хувц өмсв, йөрәл белдв. СНХ Наталья Шульга келсәр, йөрәл дасхд күнд болсн угаһЮнгад гихлә зәрм хальмг үгмүдиг урднь меддг бәәж

Һурвн сардан Наталья хальмг келнә курст одад, сән медрл аввһИим сурһуль казначействин заллтд болв. Эн жилин хаврар заллтин көдләчнр төрскн келән дасх санаһан медүлж. Тегәд сурһулин ашар иим марһан энд болв.

Марһана ашт Күчтә нертә команд диилвр бәрв. Шүүгдсн Бумбихн орнахн нертә команд иргч жилд болх марһанд диилвр бәрх саната. Энүнә төлә эдн оданас авн белдв кех зурата. Казначействин заллтд иим дөрлдән сән зангшалд тохрагдх зөвтә.