Эндр коррупцла ноолда келһнә нарта-делкән өдр
Эндр коррупцла ноолда келһнә нарта-делкән өдр. Эн өдр темдглх шиидвр хойр минһн һурвдгч жилд ООН-на Генеральн ассамблей батлж авсмн. Нарта-делкән чинртә шин документд зун государствин элчнр һаран тәвв. Экономическ делгрлтд боомтг болжах, демократическ институтын чинр баһрулжах, зака эвджәх иим му йовдлмуд уга кехин төлә иим шиидвр батлж авгдла. Тер мет коррупц олна диг-дара харлһнд му нилчән күргжәнә, олн әмтн бүрдәмжтәһәр зака эвдсн йовдлмудт, терроризмд түкрж болн улсин әәмшг уга бәәлһнд му нилчән күргжәнә. Хойр минһн нәәмдгч жилд Әрәсәд коорупцла ноолда келһнә туск федеральн закан батлж авгдла. Хальмг танһчин прокурорин ах нөкд Александр Красильниковин темдглсәр, эн жил коррпуцла ноолда келһнә зака эвдсн һурвн минһн йовдл илткгдв. Дааврта үүл даажах тавн зун әмтн дисциплинарн засгла харһулгдв, арвн негн уголовн керг күцәгдв.
